Bitter Guard: সোৱাদত তিতা হ'লেও স্বাস্থ্যৰ কাৰণে মিঠা তিতা কেৰেলা, জানক ইয়াৰ উপকাৰিতা

তিতা কেৰেলা (bitter guard) সঁচাকৈয়ে খাবলৈ বৰ তিতা! যাৰ নামেই তিতা কেৰেলা কেৰেলা তাৰ সোৱাদতো তিত হোৱাটোৱেই স্বাভাৱিক। তিতা সোৱাদৰ বাবেই বহুতেই তিতা কেৰেলা নাখায়। কিন্তু ইয়াৰ সোৱাদৰ তিতাখিনি যদি বাদ দিব পাৰে তেন্তে তিতা কেৰেলাৰ ইমান ঔষধী গুণ আছে যে শুনিলে আপুনি হায়ৰাণ হৈ পৰিব। মধুমেহ বা ডেয়েবেটিছ ৰোগীৰ বাবে ই ৰামবাণ আৰু লগতে বহু ৰোগৰ বাবেও উত্তম পথ্য।

শিশুৰ পৰা বৃদ্ধলৈকে সকলোৱে তিতা কেৰেলা খাব লাগে। তিতা কেৰেলাৰ কেৱল পাচলিয়েই নহয়, ইয়াৰ শিপা, গা-গছ আৰু পাত আয়ুৰ্বেদৰ মতে অতি উপকাৰী।

তিতা কেৰেলাৰ উতপত্তি ভাৰততে হোৱা বুলি অনুমান কৰা হয়। কাৰণ ভাৰতৰ হাজাৰ হাজাৰ বছৰ পুৰণি আয়ুৰ্বেদৰ পুথিতো কেৰেলাৰ উল্লেখ আছে। এছিয়াত তিতা কেৰেলাৰ ব্যৱহাৰ বহু পুৰণি। আনহাতে এছিয়াৰ ভিতৰতে চীনত সৰ্বাধিক তিতা কেৰেলাৰ ব্যৱহাৰ হয়। বৰ্তমান বিশ্ৰ সকলো দেশতে তিতা কেৰেলা জনপ্ৰিয়।

ভাৰতত কেৰেলা ধৰ্মৰ সৈতেও জড়িত। ছত্তিশগড়ত তেৰেলাৰ মন্দিৰো আছে। এইটোক মা কেৰেলা ভৱানী মন্দিৰ বুলি জনা যায়। দুয়োটা নবৰাত্ৰীত ইয়াত লক্ষ্মী মেলা আয়োজন কৰা হয়। ১১০০টা চিৰি বগাই এই মন্দিৰলৈ যাব লাগে।

ভাৰতীয় আয়ুৰ্বেদত তিতা কেৰেলাক গুণৰ ভাণ্ডাৰ বুলি কোৱা হৈছে। কেৰেলাক পিত্ত আৰু কফ হাৰক বুলি কোৱা হৈছে চৰক সংহিতাত। পতঞ্জলি আয়ুৰ্বেদৰ আচাৰ্য বালাকৃষ্ঞৰ মতে মধুমেহৰ উপৰি কেৰেলা আৰু বহুতো ৰোগৰ বাবে উপকাৰী, যিবোৰৰ নাম শুনিলে আপুনি আচৰিত হৈ পৰিব।

হাৰিয়ানাৰ ভগতফুল সিং মহিলা বিশ্ববিদ্যাৰ আয়ুৰ্বেদ বিভাগৰ অধ্যাপক বীণা শৰ্মাৰ মতে তিতা কেৰেলা পাচনতন্ত্ৰ, ভোক নলগা, জ্বৰ আৰু চকুৰ ৰোগৰ বাবে উপকাৰী বুলি কোৱা হয়। কেৰেলা খালে কফ, জ্বলন, শ্বাসসম্বন্ধীয় সমস্যা আৰোগ্য হয়। কিন্তু কেৰেলাৰ অধিক সেৱনে পেটৰ সমস্যা আৰু কিডনীৰ সমস্যাৰো সৃষ্টি কৰিব পাৰে।