ফটোৱা জাৰি কৰাৰ পিছতে নুছৰত জাহানে শ্বেয়াৰ কৰিলে সেন্দুৰ আৰু মংগলসূত্ৰ পিন্ধা ফটো

পশ্চিম বংগৰ TMC সাংসদ নুছৰত জাহানে বিয়াৰ পিছত সাংসদ পদৰ শপত লৈছিল। সংসদত পৰম্পৰাগত পোছাকত দেখা গৈছিল সুন্দৰী সাংসদগৰাকীক। শিৰত সেন্দুৰ, হাতত মেহেন্দী, ডিঙিত মংগলসূত্ৰ পিন্ধি সংসদত প্ৰৱেশ কৰিছিল নুছৰতে। নুছৰতৰ ফটো ছচিয়েল মিডিয়াত ভাইৰেল হৈ পৰিছিল। কেইদিনমান পিছতে নুছৰত জাহানৰ এই ৰূপক লৈ তেওঁৰ বিৰুদ্ধে ফটোৱা জাৰি কৰা হৈছিল। এই ফটোৱাক লৈ নুছৰতে কৈছিল যে মই মুছলমানেই হৈ থাকিম আৰু মই কি পিন্ধিব লাগে তাৰ ওপৰত মন্তব্য নকৰো। বিশ্বাক পোছাতকৈ ওপৰত।

এতিয়া সেই নুছৰতে কিছু পৃথক ধৰণে এই বিতৰ্কৰ প্ৰত্যুত্তৰ দিলে। নুছৰতে ইনষ্টাগ্ৰামত নিজৰ বিয়াৰ কেইবাখনো সুন্দৰ ফটো শ্বেয়াৰ কৰিছে। এই ফটোসমূহত নুছৰতক কইনাৰ ৰূপত দেখা গৈছে। কেপচনত লিখিছে – সকলো ছোৱালীয়ে নিজৰ বিশেষ দিনটোত ৰঙা ৰঙৰ পোছাক পিন্ধাৰ সপোন দেখে। মই নিজৰ পৰিয়াল আৰু বন্ধুবৰ্গক ধন্যবাদ দিব বিচাৰো যিয়ে মোৰ সৈতে প্ৰতিক্ষণত আছে।

নুছৰতক এই পোছাকত অতি সুন্দৰ লাগিছে। তেওঁৰ বিয়াৰ ফটোসমূহ ভাইৰেল হৈ পৰিছে ছচিয়েল মিডিয়াত। এই ফটোসমূহত কিছু লোকে সমৰ্থন কৰাৰ বিপৰীতে একাংশই নেতিবাচক মন্তব্য কৰিছে।

ইয়াৰ পূৰ্বে নুছৰতে টুইটাৰত কৈছিল যে মই সন্মিলিত ভাৰতৰ প্ৰতিনিধিত্ব কৰো। যিটো জাতি আৰু ধৰ্মৰ বান্ধোনতকৈ বহু আগত। যিমান পাৰো মই সকলো ধৰ্মক সন্মান কৰো। মই মুছলমানেই হৈ থাকিম আৰু মই কি পিন্ধিব লাগে তাক লৈ মন্তব্য নকৰো। বিশ্বাস পোছাকতকৈ বহু ওপৰত।

এই টুইটৰ সৈতে নুছৰতে লিখিছে – কোনো ধৰ্মৰ গোড়া লোকৰ দ্বাৰা কৰা মন্তব্যক লৈ প্ৰতিক্ৰিয়াই কেৱল ঘৃণা আৰু হিংসাৰ জন্ম দিয়ে।

উল্লেখযোগ্য যে ১৯ জুনত ব্যৱসায়ী নিখিলৰ সৈতে বিবাহপাশত আবদ্ধ হৈছিল নুছৰত জাহান। হিন্দু ৰীতি–নীতিৰ লগতে খ্ৰীষ্টান প্ৰথামতে বিবাহ হৈছিল দুয়োৰে।