সুন্দৰী সাংসদ নুছৰত জাহানে শ্বেয়াৰ কৰিলে আটাইতকৈ ৰোমান্তিক ফটো

TMCৰ সাংসদ হোৱাৰ পিছত চৰ্চালৈ অহা বাংলা অভিনেত্ৰী নুছৰত জাহানে যোৱানিশা আয়োজন কৰে বিয়াৰ অভ্যৰ্থনা অনুষ্ঠানৰ। এই অনুষ্ঠানত ৰাজনীতি আৰু ছবি জগতৰ বহু ৰথী–মহাৰথী উপস্থিত থাকে। অনুষ্ঠানত উপস্থিত থাকে পশ্চিম বংগৰ মুখ্যমন্ত্ৰী মমতা বেনাৰ্জীৰ লগতে নুছৰতৰ ঘনিষ্ঠ বান্ধবী মিমি চক্ৰৱৰ্তীও।

ছচিয়েল মিডিয়াত নুছৰতৰ অনুৰাগীসকলে অভিনন্দন জনাইছে নুছৰত জাহানক। ছচিয়েল মিডিয়াত ফটোৰ কেপচনত নুছৰতে লিখিলে হৃদয়ৰ বতৰাও। নুছৰতে লিখিছে যে মই যেতিয়াই দুচকু বন্ধ কৰো, মই মোৰ হৃদয়ত তোমাৰ মৰমৰ পোহৰ দেখো। মোক ইমান সুখ দি তুমি মোৰ জীৱন সলনি কৰি দিলা।

নুছৰত আৰু নিখিলৰ বিয়াৰ গ্ৰেণ্ড ৰিচেপচন আয়োজন কৰা হয় কলকাতাৰ ITC ৰয়েল হোটেলত। সাজ–সজ্জাৰ পৰা খাদ্য সম্ভাৰলৈ, সকলো ব্যৱস্থা সুন্দৰকৈ কৰা হৈছিল।

উল্লেখযোগ্য যে ১৯ জুনত তুৰ্কীত বিবাহপাশত আবদ্ধ হৈছিল নুছৰত জাহান আৰু নিখিল জৈন। দুয়োৰে বিয়া মিডিয়াত খুব চৰ্চিত হৈ পৰিছিল। খ্ৰীষ্টান প্ৰথাৰেও সম্পন্ন হৈছিল দুয়োৰে বিবাহ।

দীৰ্ঘদিনীয়া প্ৰেমৰ অন্তত বিবাহপাশত আবদ্ধ হৈছিল নিখিল আৰু নুছৰত। দুয়োৰে প্ৰথম দেখা ২০১৮ চনৰ দুৰ্গা পূজাৰ সময়ত হৈছিল।