Sherlyn Chopra: যৌন আৰু মানসিক নিৰ্যাতনৰ অভিযোগ! ৰাজ–শিল্পাৰ নামত FIR শাৰ্লিন চোপ্ৰাৰ
Sherlyn Chopra: ৰাজ–শিল্পাৰ বিৰুদ্ধে পৰ্ণগ্ৰাফী ভিডিঅ’ সংক্ৰান্তীয় বিষয়ক লৈ কৰা অভিযোগে পুনৰ আলোচনাৰ কেন্দ্ৰবিন্দু হৈ পৰিছে।
পৰ্ণ ভিডিঅ’ৰ গোচৰত সাময়িকভাৱে সকাহ পালেও এইবাৰ আইনী মেৰপেঁচত সোমাই পৰাৰ দিশে শিল্পা শেট্টীৰ স্বামী ৰাজ কুন্দ্ৰা। জনা গৈছে, শাৰ্লিন চোপ্ৰাই শিল্পাৰ স্বামী ৰাজৰ নামত এফআইআৰ দাখিল কৰিছে জুহু থানাত। সেই এফআইআৰত নাম আছে শিল্পা শেট্টী কুন্দ্ৰাৰো। তাৰকা দম্পতীৰ বিৰুদ্ধে শাৰ্লিন চোপ্ৰাৰ অভিযোগ, তেওঁৰ ওপৰত যৌন আৰু মানসিক নিৰ্যাতন চলাইছে তেওঁলোকে।
সম্প্ৰতি শ্বাহৰুখ পুত্ৰ আৰিয়ান খান গ্ৰেপ্তাৰ হোৱাৰ পিছতে পুনৰ এবাৰ বলীউদত মাদক দ্ৰব্যক লৈ চৰ্চা হৈছে। সুনীল শেট্টীৰ পৰা পূজা ভাট, সুজান খান, সুচিত্ৰা কৃষ্ণমূৰ্তি আৰু বলীউদৰ আন তাৰকাসকলে শ্বাহৰুখ আৰু আৰিয়ানক সমৰ্থন কৰা দেখা গ’লেও সেই সময়তে শাৰ্লিন চোপ্ৰাই এক পুৰণি সাক্ষাৎকাৰৰ ভিডিঅ’ টুইট কৰে। তাত তেওঁ শ্বাহৰুখ খানৰ কলকাতা নাইট ৰাইডাৰ্ছ সম্পৰ্কে উল্লেখ কৰে।
সাক্ষাৎকাৰত তেওঁ কয়, ‘‘মই কলকাতালৈ গৈছিলো, মেচ চাইছিলো, সেই নিশা কেকেআৰ জিকিছিল। জয়ৰ পিছত উদযাপনৰ বাবে এটা পাৰ্টীৰ আয়োজন কৰা হৈছিল। সেই নিশা কেকেআৰৰ খেলুৱৈ, তেওঁলোকৰ প্ৰেয়সী, শ্বাহৰুখ খান, শ্বাহৰুখৰ ঘনিষ্ঠ বন্ধু, তেওঁৰ পত্নী সকলোৱে পাৰ্টী কৰিছিল। লাহে লাহে দেখিলো ধোঁৱা হৈছে। ইয়াৰ উপৰি কিছু অন্যান্য পদাৰ্থও খোৱা হৈছে।
