ছলমান খান আৰু পিতৃ ছেলিম খানৰ সম্পৰ্কৰ আধাৰত নিৰ্মাণ হৈছে নেকি ‘ভাৰত’ ?

চলিত বৰ্ষৰ ঈদত মুক্তিলাভ কৰিব ছলমান খান অভিনীত বহু চৰ্চিত ছবি ভাৰত । ইতিমধ্য দৰ্শকৰ মাজত প্ৰচুৰ জনপ্ৰিয়তা লাভ কৰিছে ছবি খনৰ গীত আৰু ট্ৰেইলাৰে ।

ছবিখনৰ পৰিচালক আলী আব্বাছে প্ৰকাশ কৰিছে যে ছবিখনত ছলমান খানে যি ধৰণে  নিজৰ চৰিত্ৰটোত অভিনয় কৰিছে , সেই চৰিত্ৰটো অন্য কোনো অভিনেতাই সিমান সাৱলীল ভাবে কৰিব নোৱাৰিব ,কাৰণ ছলমান খান এনে এজন অভিনেতা যি নিজৰ পৰিয়ালৰ সৈতে সদায় একাত্ম হৈ থাকে । সেইদৰে ছলমানৰ নিজৰ পিতৃৰ লগতো আছে এক সুমধুৰ সম্পৰ্ক । ছলমানে কেতিয়াও অবজ্ঞা নকৰে নিজৰ পিতৃক । ছলমান আৰু ছেলিম খানৰ সম্পৰ্ক বলিউডৰ বাবেও হৈ আহিছে সদায় প্ৰেৰণাদায়ক ।

মুক্তিৰ অপেক্ষাত থকা ভাৰত ছবি খনৰ কাহিনী ভাগ এক ঘৰুৱা সম্পৰ্কৰ ওপৰত আধাৰিত ।৫৩ বছৰ বয়সলৈকে ছলমান খানক সবাতোকৈ ঘৰুৱা আজ্ঞা পালন কৰা পুত্ৰ বুলিও জনাযায় ।

সেইদৰে ছবিখনৰ কাহিনী ভাগ কিছু পৰিমাণে ছলমান খান আৰু তেওঁৰ দেউতাকৰ সম্পৰ্কৰ সৈতেও মিল থকা বুলি মন্তব্য কৰিছে ছবি খনৰ পৰিচালক আলী আব্বাছ খানে ।

ছবিখন এক ঘৰুৱা কাহিনীৰ ওপৰত নিৰ্মাণ কৰাৰ বাবে ছলমান খান হ’ল পৰিচালকৰ প্ৰথম পচন্দৰ অভিনেতা। পিতা– পুত্ৰৰ সম্পৰ্ককলৈ নিৰ্মাণ কৰা ছবিখন প্ৰযোজনা কৰা হৈছে ৰীল লাইফ প্ৰডাকছন আৰু ছলমান খান ফ্লীমছৰ বেনাৰত ।

ছবিখনত ছলমান খানৰ উপৰিও অভিনয় কৰিছে কেটৰীণা কাঈফ, দীশা পাটানী আদিয়ে । চলিত বৰ্ষৰ ৫ জুন তাৰিখে মুক্তি দিয়া হ’ব ছবিখন ।