Ranbir Kapoor Birthday Special: কেৱল সোনম-দীপিকা-কেটৰিনাই নহয়, ৰণবীৰ কাপুৰে বলীউডৰ আন বহুতো নায়িকাৰ সৈতে কৰিছে 'প্ৰেম'!

ৰণবীৰ কাপুৰ বলীউডৰ ৰাজপৰিয়াল কাপুৰৰ ৰাজকুমাৰ। ঋষি কাপুৰ আৰু নীতু সিঙৰ পুত্ৰ ৰণবীৰৰ জন্মদিন মঙলবাৰে। বলীউডৰ অন্যতম জনপ্ৰিয় অভিনেতা আৰু তাৰকা ৰণবীৰ আজিৰ দিনটোতে ৩৯ বছৰীয়া হ'ল। ৰণবীৰ কাপুৰৰ একাধিক বাৰ একাধিক নায়িকাৰ সৈতে আছিল প্ৰেমৰ সম্পৰ্ক।

ৰণবীৰ কাপুৰে সোনম কাপুৰৰ সৈতে একেখন ছবিতে বলীউডত আত্মপ্ৰকাশ কৰিছিল। ৰণবীৰে ২০০৭ চনত সঞ্জয় লীলা ভাঞ্চালীৰ 'চাৱাৰিয়া'ত দৰ্শকৰ হৃদয় জয় কৰিছিল। এইটো জানিব পৰা গৈছিল যে ৰণবীৰৰ সৰুৰে পৰা অনিল কাপুৰৰ জীয়ৰী অভিনেত্ৰী সোনম কাপুৰৰ সৈতে সম্পৰ্ক আছিল। সোনমে কফি উইথ কৰণত তেওঁলোকৰ সম্পৰ্কৰ বিষয়েও স্বীকাৰ কৰিছিল।

বলীউডত প্ৰৱেশ কৰাৰ আগতে ৰণবীৰ কাপুৰ অভিনেতা ইমৰান খানৰ প্ৰাক্তন পত্নী অৱন্তিকা মালিকৰ সৈতে প্ৰেমৰ সম্পৰ্কত আছিল বুলিও শুনা গৈছিল। অৱন্তিকাই পিছত আমিৰ খানৰ ভতিজা ইমৰানৰ সৈতে বিবাহপাশত আবদ্ধ হৈছিল, যদিও সেই বিয়াখন স্থায়ী নহ'ল।

ৰণবীৰে 'আনজানা আনজানা'ত অভিনয় কৰাৰ সময়ত প্ৰিয়ংকা চোপ্ৰাৰ কাষ চাপিছিল। অনস্ক্ৰীনৰ লগতে অফস্ক্ৰীনতো অন্তৰংগতা বৃদ্ধি পাইছিল দুয়োৰে মাজত। কিন্তু ৰণবীৰ আৰু প্ৰিয়ংকা চোপ্ৰাই সদায় ৰাজহুৱাভাৱে নিজকে ভাল বন্ধু হিচাপে চিনাক্ত কৰি আহিছে।

ৰণবীৰ কাপুৰে দীৰ্ঘদিন ধৰি দীপিকা পাডুকনৰে প্ৰেম কৰিছিল। দৰ্শকে তেওঁলোকৰ যুটিটোক পৰ্দাৰ লগতে পৰ্দাৰ বাহিৰতো ভাল পাইছিল। দীপিকাই তাইৰ ডিঙিত ৰণবীৰৰ নামটো টাটু কৰিছিল। পিছত খবৰ পোৱা গৈছিল যে ৰণবীৰে দীপিকাক প্ৰতাৰণা কৰিছিল। তেতিয়াই কেটৰিনা কাইফে ৰণবীৰৰ জীৱনত প্ৰৱেশ কৰিছিল।

কেটৰিনা আৰু ৰণবীৰৰ 'আজব প্ৰেম কি গজব কাহানী'ৰ ছেটতেই প্ৰেম হৈছিল। তেওঁলোকৰ প্ৰেম প্ৰায় ৬ বছৰ ধৰি চলিছিল। দুয়োজন তাৰকা স্পেইনত একেলগে ভ্ৰমণলৈও গৈছিল। যদিও সেই প্ৰেম ভাঙি যায়।

নাৰ্গিছ ফাকৰীও মাজতে 'ৰকষ্টাৰ' চলচ্চিত্ৰৰ সময়ত ৰণবীৰৰ জীৱনলৈ আহিছিল। তেওঁলোক কিছু সময়ৰ পৰা প্ৰেমত আছিল বুলি উৰাবাতৰি ওলাইছিল।

আলিয়া ভাটৰ সৈতে এই মুহূৰ্তত ৰণবীৰৰ প্ৰেম চলি আছে। খবৰ অনুসৰি ৰণবীৰ আৰু আলিয়াই এই জন্মদিন যোধপুৰত একেলগে কটাইছে।