Raj Kundra Property : ৪ হাজাৰ কোটি টকাৰ মালিক, প্ৰাইভেট জেট, ইংলেণ্ডত 'ৰাজমহল', ৩ কোটিৰ হীৰাৰ আঙুঠি ! ৰাজ-শিল্পাৰ আছে আকাশচুম্বী সম্পত্তি ! চাওক সবিশেষ...

ৰাজ কুন্দ্ৰা (Raj Kundra)ৰ গ্ৰেপ্তাৰ এতিয়া বলিউডৰ অন্যতম চৰ্চাৰ বিষয়। পৰ্ণ ফিল্ম বনোৱাৰ অভিযোগত শিল্পা ছেট্টী (Shilpaa Shetty)ৰ স্বামী ৰাজ কুন্দ্ৰাক ইতিমধ্যে মুম্বাই পুলিচে গ্ৰেপ্তাৰ কৰিছে। পুলিচৰ ওচৰত ইয়াৰ বিৰুদ্ধে উপযুক্ত তথ্য প্ৰমাণ মজুত আছে। এই বিষয়ত শিল্পা ছেট্টী জড়িত আছেনে নাই তাৰ তথ্য এতিয়ালৈকে আৰক্ষীয়ে প্ৰমাণ কৰিব পৰা নাই। ৪ হাজাৰ কোটি টকা সম্পত্তিৰ মালিক ৰাজ কুন্দ্ৰাৰ লগত শিল্পাৰ প্ৰেম বিবাহ হৈছিল চিনেমাৰ সূত্ৰেই।

২০০৭ চনতে সেই সময়ৰ 'বিগ ব্ৰাদাৰ-৫'ৰ অংশীদাৰ আছিল শিল্পা ছেট্টি। বিদেশৰ মাটিত এই শ্বোত শিল্পা লাইমলাইটত আছিল আৰু বিজয়ীও হৈছিল। কোৱা হয়, এই বিগ ব্ৰাদাৰ জিকাৰ সময়তে ইংলেণ্ডতে বিবাহিত ৰাজৰ লগত প্ৰথম পৰিচয় ঘটে শিল্পাৰ। তাৰ পাছত প্ৰেমৰ সূত্ৰপাত হয় আৰু শেষত বিয়া হয়।

মুম্বাইৰ পৰা ১০০ কিলোমিটাৰ দূৰৈৰ খাণ্ডালাত শিল্পাৰ এজন বন্ধুৰ ফাৰ্ম হাউছত ৰাজৰ লগত শিল্পাৰ বিবাহ সম্পন্ন হৈছিল। তেতিয়াই ৰাজে ৩ কোটি টকা মূল্যৰ এটা হীৰাৰ আঙুঠি শিল্পাক পিন্ধাইছিল বুলি বিভিন্ন সূত্ৰই কয়। ২০০৯ চনৰ ২২ নবেম্বৰত তেওঁলোকৰ প্ৰথম সন্তানৰ জন্ম হয়। প্ৰতি বছৰে তেওঁলোকৰ ঘৰত ধুমধামেৰে গণেশ চতুৰ্থী পালন কৰে।

ৰাজ-শিল্পাৰ ব্যয়বহুল জীৱনৰ কথা জানিলে আপোনাৰ চকু কপালত উঠিব! ৰাজ কুন্দ্ৰাই মুম্বাইৰ প্ৰায় চহৰতে শিল্পাৰ কাৰণে একোটিকৈ ঘৰ কিনিছিল আৰু ছচিয়েল মিডিয়াত ছেয়াৰো কৰিছিল।

আনকি ৰাজ কুন্দ্ৰাই ডুবাইৰ বুৰ্জ খলিফাতো এটা ফ্লেট কিনি শিল্পা ছেট্টীক উপহাৰ দিছিল। বিশ্বৰ সৰ্বোচ্চ বিল্ডিং বুৰ্জ খলিফাতো সপোনৰ সংসাৰ পাতিছিল ৰাজ-শিল্পাই। ১৯ নম্বৰ ফ্লোৰত। পিছত পাৰিবাৰিক সংক্ৰান্তীয় কিছু কথাৰ বাবে সেইটো বিক্ৰী কৰি দিয়ে বুলি জনা গৈছে।

ইলেণ্ডতো এই দুই লাভবাৰ্ডৰ যথেষ্ট সম্পত্তি আছে। এটা ৭টা বেডৰূমৰ ব্যয়বহুল বিলাসী ঘৰ আছে যাৰ নাম ৰখা হৈছে 'ৰাজমহল'। ৰাজ আৰু শিল্পাই তালৈ মাজে মাজে ছুটিৰ সময় কটাবলৈ যায়।

বলিউডৰ প্ৰাইভেট জেট মালিকাধীন চেলিব্ৰিটীৰ তালিকাতো এই ৰোমাাণ্টিক দম্পতীৰ নাম আছে। অভিনেত্ৰী শিল্পা আৰু তেওঁৰ স্বামী ৰাজে প্ৰায়েই জেট বিমানৰ লগত তোলা ফটো ছেয়াৰ কৰে। এই জেটখনত এটা মনোৰঞ্জনৰ কক্ষও ৰাখিছে। প্ৰায়েই ৰাজ-শিল্পা অৱসৰ সময়ত সপৰিবাৰে ফুৰিবলৈ যায়।