শিল্পা শেট্টীৰ (Shilpa Shetty) স্বামী ৰাজ কুন্দ্ৰাই (Raj Kundra) জে’লৰ পৰা ওলোৱাৰ পিছত সংবাদ মাধ্যমৰ কেমেৰাৰ পৰা নিজকে দূৰত ৰাখিছিল। কিন্তু এইবাৰ মুকলিকৈ দেখা গ’ল ৰাজ কুন্দ্ৰাক। স্বামী ৰাজৰ সৈতে দেখা গ’ল অভিনেত্ৰী শিল্পা শেট্টীক। জুলাই মাহত পৰ্ণ ছবিৰ গোচৰত জড়িত থকাৰ অভিযোগত গ্ৰেপ্তাৰ হৈছিল ৰাজ কুন্দ্ৰা। ছেপ্টেম্বৰ মাহত জামিন লাভ কৰে ৰাজে। শিল্পা আৰু ৰাজ এতিয়া হিমাচলত আছে। তাত জ্বালাজী দেৱী আৰু মা চামুণ্ডা দেৱী মন্দিৰত পূজা দিয়ে তেওঁলোকে। জে’লৰ পাৰ ওলোৱাৰ পিছত ৰাজ কুন্দ্ৰাক এবাৰো কেমেৰাৰ সন্মুখত দেখা যোৱা নাই। এই প্ৰথমবাৰ শিল্পা আৰু ৰাজ কেমেৰাৰ সন্মুখলৈ আহিল একেলগে। জে’লৰ পৰা বাহিৰ হোৱাৰ পিছত ৰাজ কুন্দ্ৰাৰ চেহেৰা বহু সলনি হৈছে। হতাশাই যেন গ্ৰাস কৰিছে তেওঁক। আগৰ দৰে হৈ থকা নাই। হিমাচলত দুয়ো দুয়োৰে হাতত ধৰি কেমেৰাৰ সন্মুখলৈ আহিল ৰাজ আৰু শিল্পা। শিল্পাই নিজেও কিছু ফটো শ্বেয়াৰ কৰিছে। ইয়াৰ পূৰ্বে বৈষ্ণো দেৱী মন্দিৰতো গৈছি শিল্পা।
