বলীউড তথা হলীউডৰ জনপ্ৰিয় অভিনেত্ৰী প্ৰিয়ংকা চোপ্ৰা প্ৰায়েই তেওঁৰ ফেশ্বন ষ্টাইলৰ বাবে চৰ্চাত থাকে। প্ৰিয়ংকাই ৰেড কাৰ্পেটতে হওঁক বা সৌন্দৰ্য সামগ্ৰী মুকলি অনুষ্ঠান, বা কোনো অনুষ্ঠানত অনুৰাগীসকলক লগ কৰা, প্ৰতিটো ভাও–ভংগী ধুনীয়া। প্ৰিয়ংকাই নিজৰ এনেধৰণৰ আকৰ্ষণীয় শৈলীৰে লণ্ডনলৈ গৈছিল। প্ৰিয়ংকা চোপ্ৰাই লণ্ডনত এটা সৌন্দৰ্য সামগ্ৰী মুকলি অনুষ্ঠানত এক আকৰ্ষণীয় পোছাক পৰিধানেৰে উপস্থিত হৈ অনুৰাগীসকলক প্ৰভাৱিত কৰিছিল। প্ৰিয়ংকা চোপ্ৰাই সোণালী ৰঙৰ থাই-শ্লিট স্ট্ৰেপলেছ পোছাক পৰিধান কৰিছিল। প্ৰিয়ংকাৰ ফটো আৰু ভিডিঅ’ ছচিয়েল মিডিয়াত ভাইৰেল হৈ আছে। এজন অনুৰাগীয়ে প্ৰিয়ংকা চোপ্ৰাৰ সোণালী ৰঙৰ এই পোছকযোৰ পিন্ধা সকলো ফটো আৰু ভিডিঅ’ ইনষ্টাগ্ৰামত শ্বেয়াৰ কৰিছিল আৰু লিখিছিল, ‘তেওঁক আজি ৰাতি দেখাত যিমান ধুনীয়া লাগিছে, তাৰ তুলনাত প্ৰিটি এটা সৰু শব্দ।’ অনুৰাগীসকলে প্ৰিয়ংকা চোপ্ৰা জোনাছক কেৱল তেওঁৰ লুক (ফেশ্বন ষ্টাইল)ৰ বাবেই নহয়, তেওঁৰ চুলিৰ ষ্টাইলৰ বাবেও প্ৰশংসা কৰিছে। প্ৰিয়ংকা চোপ্ৰাৰ হাঁহিটোৱেও অনুৰাগীসকলক পাগল কৰি তুলিছে। এজন অনুৰাগীয়ে প্ৰশংসা কৰি লিখিছিল, ‘সঁচাকৈয়ে ধুনীয়া আৰু মৰমলগা হাঁহি’। প্ৰিয়ংকা চোপ্ৰাৰ সৌন্দৰ্য দেখি অনুৰাগীসকলে তেওঁক ধুনীয়া, অত্যাশ্চৰ্য, ৰাজকুমাৰী বুলি অভিহিত কৰিছে।
