Geeta Basra B’day : চিনেমা চাইয়েই নায়িকাৰ প্ৰেমত পৰিছিল হৰভজন সিং, আৰম্ভণিতে হৰভজনক পাট্টা দিয়া নাছিল গীতাই

তেওঁ বলীউডৰ চিনেমাত অভিনয় কৰি পৰিচিত মুখ হৈ পৰিছিল ঠিকেই। কিন্তু হৰভজন সিঙৰ পত্নী হোৱাৰ পিছত গীতা বাসৰা সকলোৰে অধিক জনপ্ৰিয় হৈ পৰিছিল।

অভিনেত্ৰী গীতা বাসৰাৰ জন্ম হৈছিল ব্ৰিটেইনত। লণ্ডনত খেলি থাকোতে হৰভজন সিং গীতাৰ প্ৰেমত পৰিছিল। তেওঁ এটা গানৰ ভিডিঅ'ত গীতাক প্ৰথম দেখা পাইছিল।

আচৰিত হৈছে নহয়, হঠাতে হৰভজন-গীতাৰ প্ৰেমকাহিনীৰ কিয় পাতনি মেলা হৈছে ! দৰাচলতে, আজি গীতা বাসৰাৰ জন্মদিন। ও আজনবী নামৰ এটা ভিডিঅ' গান চাই ভাৰতীয় স্পিনাৰ হৰভজন সিঙে অভিনেত্ৰী গীতাৰ প্ৰেমত পৰিছিল।

ভজ্জীয়ে গীতাৰ ফোনৰ নম্বৰো সংগ্ৰহ কৰিছিল। ইয়াৰ পিছত লণ্ডনত খেলি থকা খেলৰ শেষত তেওঁ গীতালৈ এটা মেছেজ প্ৰেৰণ কৰিছিল। পিছে গীতাই আৰম্ভণিতে তেওঁক যথেষ্ট কষ্ট দিছিল।

গীতাই ভাজ্জিৰ মেছেজৰ কোনো ৰিপ্লাই দিয়া নাছিল। ভাজ্জীয়ে তেওঁক লগ কৰিব বিচাৰিছিল।

ভাজ্জীয়ে কিন্তু হাৰ মনা নাছিল। মেচখন জিকাৰ পিছত গীতা বাসৰাই হঠাতে তেওঁক শুভেচ্ছা জনায়। তেতিয়াৰ পৰা দুয়োৰে মাজত বন্ধুত্ব আৰম্ভ হয়।

তাৰ পিছত হঠাত এদিন গীতাই হৰভজনক দুটা আই পি এলৰ টিকট বিচাৰিলে। ভাজ্জীয়ে সুযোগটো হেৰুৱাব নিবিছাৰিলে। টিকট দুটা যোগাৰ কৰি দি দুয়োৰে মাজৰ বন্ধুত্ব বঢ়বলৈ চেষ্টা কৰিলে। ইয়াৰ পিছত, এদিন তেওঁ গীতাক প্ৰেমৰ প্ৰস্তাৱ দিছিল। প্ৰথম অৱস্থাত গীতাই অৱশ্যে এই প্ৰস্তাৱত সঁহাৰি জনোৱা নাছিল। সেই সময়ত তেওঁ নিজৰ অভিনয়ত মনোনিবেশ কৰিব বিচাৰিছিল।

অৱশেষত গীতা সঁচাকৈয়ে ভাজ্জিৰ প্ৰেমত পৰিল। দুয়োজন ২০১৫ চনত বিবাহ পাশত আৱদ্ধ হয়। তেওঁলোকৰ এটি কন্যা সন্তান আছে।