Porn Video শ্বেয়াৰ কৰিবলৈ ৰাজ কুন্দ্ৰাই সৃষ্টি কৰিছিল Hotshot ! এইবাৰ ৰাজ কুন্দ্ৰাৰ ব্যৱসায়িক অংশীদাৰে দিলে এই অভিযোগ...

শিল্পা চেট্টীয়ে (Shilpa Shetty) হয়তো মাতা বৈষ্ণো দেৱীক (Vaishno Devi) দৰ্শন কৰিছে আৰু তেওঁৰ আশীৰ্বাদ লৈ আহিছে, কিন্তু তেওঁৰ স্বামী ৰাজ কুন্দ্ৰাৰ (Raj Kundra) সমস্যাবোৰ হ্ৰাস পোৱাৰ নাম লোৱা নাই। ৰাজ কুন্দ্ৰা ১৯ জুলাইৰ পৰা কাৰাগাৰত আছে ৷

এতিয়া মুম্বাই আৰক্ষীয়ে গোচৰটোত ১৫০০ পৃষ্ঠাৰ পৰিপূৰক অভিযোগপত্ৰ দাখিল কৰিছে৷ চাৰ্ট শ্বীটখনত ৪৩ জন সাক্ষীৰ ভাষ্য লিপিবদ্ধ কৰা হৈছে৷ এতিয়া তেওঁৰ ব্যৱসায়িক অংশীদাৰে বিষয়টো সন্দৰ্ভত আৰক্ষীৰ ওচৰত এক আচৰিত মন্তব্য দিছে, যি ৰাজ কুন্দ্ৰাৰ দুখ-কষ্ট কমোৱাৰ সলনি বৃদ্ধি কৰিবলৈ গৈ আছে।

ৰাজ কুন্দ্ৰাৰ ব্যৱসায়িক অংশীদাৰজনে পৰিপূৰক অভিযোগপত্ৰত কৈছে যে ৰাজ কুন্দ্ৰাই অশ্লীল সামগ্ৰী বিতৰণ কৰাৰ উদ্দেশ্যৰে এখন অনলাইন প্লেটফৰ্ম হটশ্বট (Hotshot) স্থাপন কৰিছিল। মুম্বাই আৰক্ষীয়ে এতিয়া বিবৃতিটো পৰিপূৰক অভিযোগপত্ৰৰ অংশ কৰি তুলিছে। কুন্দ্ৰাৰ গ্ৰেপ্তাৰ হোৱাৰ পিছত, আৰক্ষীয়ে ৰিয়ান থৰ্পকো গ্ৰেপ্তাৰ কৰিছিল। থৰ্পক পুলিন নেৰুল অঞ্চলৰ পৰা গ্ৰেপ্তাৰ কৰা হৈছিল।

অনুসন্ধানৰ সময়ত, এইটো পোহৰলৈ আহিছিল যে আৰ্মচ প্ৰাইম লিমিটেড নামৰ এটা কোম্পানীয়ে, য'ত কুন্দ্ৰা আৰু সৌৰভ কুশৱাহা সঞ্চালক হিচাপে আছিল, লণ্ডনস্থিত কোম্পানী কেনৰিনৰ বাবে এটা এপ (Hotshot) বিকশিত কৰিছিল। কুশৱাহাৰ ৩৫ শতাংশ অংশ আছিল।

টাইমছ অৱ ইণ্ডিয়াৰ বাতৰি অনুসৰি কুশৱাহাই অভিযোগ কৰিছে যে ভিডিঅ' আপলোড কৰাৰ পৰা এপটো নিয়ন্ত্ৰণ কৰালৈকে কুন্দ্ৰাৰ হাতত আছিল। অভিযোগ অনুসৰি তেওঁ হটশ্বটটো ইউকে-ভিত্তিক কেনৰিন লিমিটেডক বিক্ৰী কৰিছিল আৰু ৰাজ কুন্দ্ৰাই বিক্ৰীৰ আগদিনা আৰ্মচপ্ৰাইম সঞ্চালক পদৰ পৰা পদত্যাগ কৰিছিল।