ৰণবীৰ-আলিয়াৰ সংসাৰত নতুন অতিথি; ততাতৈয়াকৈ চিকিৎসালয়ত উপস্থিত হ'ল নীতু কাপুৰ-চোনী ৰাজদান

মা হ'ল আলিয়া ভাট। কাপুৰ পৰিয়াললৈ আন এজন নতুন সদস্য আহিল। আলিয়াই জন্ম দিলে এটি কন্যা সন্তান। দেওবাৰে পুৱা তেওঁক চিকিৎসালয়ত ভৰ্তি কৰোৱা হয়।

২৭ জুনৰ পৰা ৰণবীৰ কাপুৰ আৰু আলিয়াৰ প্ৰথমটি সন্তানৰ বাবে অপেক্ষা কৰি আছিল অনুৰাগীয়ে। অৱশেষত এতিয়া আহিল ভাল খবৰটি। আজি ২৯ বছৰীয়া আলিয়াই জন্ম দিলে এটি কন্যা সন্তান। অক্টোবৰৰ আৰম্ভণিৰ পৰা মুম্বাইৰ গুৰুগ্ৰাম অঞ্চলৰ এইচ এন ৰিলায়েন্স ফাউণ্ডেশ্যন হাস্পতালত আলিয়াৰ চিকিৎসকৰ তত্বাৱধানত আছিল।

চিকিৎসালয়ত উপস্থিত হৈছে নৱজাত শিশুটিৰ আইতাক ছোনী ৰাজদান আৰু নীতু কাপুৰ

এইবৰ্ষৰে ১৪ এপ্ৰিলত বিয়া হৈছিল আলিয়া ভট আৰু ৰণবীৰ কাপুৰৰ। ইয়াৰ পিছত ২৭ জুনত অভিনেত্ৰীগৰাকীয়ে ছ’ন’গ্ৰাফীৰ ছবিৰে গৰ্ভধাৰণৰ কথা ঘোষণা কৰে। বেবী বাম্প লৈ হলিউডৰ প্ৰথমখন ছবি ‘হাৰ্ট অৱ ষ্টোন’ৰ শ্বুটিং কৰিবলৈ লণ্ডনলৈ গৈছিল আলিয়া। ইয়াৰ বাহিৰেও স্বামীৰ সৈতে প্ৰথমখন ছবি ‘ব্ৰহ্মাস্ত্ৰ'ৰ প্ৰচাৰতো কোনো ত্ৰুটি কৰা নাছিল আলিয়াই। ইফালে উৎসৱৰ বতৰত আলিয়াই সকলো পূজাতে অংশ লৈছিল।

অৱশ্যে ইয়াৰ পূৰ্বে শুনা গৈছিল যে আলিয়া আৰু ৰণবীৰে সন্তান জন্ম হোৱাৰ পিছত কেইবামাহো কামৰ পৰা বিৰতি ল’ব। পৰিয়ালক সময় দিব, শিশুৰ যত্ন ল'ব। ইয়াৰ পিছতহে তাৰকা দম্পতীহালে কামলৈ ঘূৰি আহিব। অৱশ্যে সেই সন্দৰ্ভত এতিয়াও কোনো নিশ্চিত খবৰ পোৱা নাই। এতিয়া অনুৰাগীৰ এটাই আশা যে ‘ৰলিয়াই’ কেতিয়া তেওঁলোকৰ সন্তানক ৰাজহুৱা স্থানত আনিব আৰু কেতিয়া নাম প্ৰকাশ কৰিব।

কাপুৰ আৰু ভাট পৰিয়ালত এতিয়া আনন্দৰ জোৱাৰ