Katrina Kaif Vicky Kaushal wedding : পাহাৰ, সমুদ্ৰ নে জংঘল? হানিমুনত ক’লৈ যাব বিকি–কেটৰিনা?

বিকি কৌশল আৰু কেটৰিনাৰ বিয়াক লৈ (Katrina Kaif Vicky Kaushal wedding) এতিয়া বলীউদত তুমুল চৰ্চা। এই গ্ৰেণ্ড ৱেডিঙক লৈ বিভিন্ন ধৰণৰ চৰ্চা চলিলেও এতিয়ালৈ মুখ খোলা নাই বিকি–কেটৰিনাই। ৰাজস্থানত চলিছে ৰাজকীয় বিয়াৰ প্ৰস্তুতি। ইয়াৰ মাজতে প্ৰশ্ন উঠিছে হানিমুনত ক’লৈ যাব কেটৰিনা আৰু বিকি?

কিন্তু এতিয়া এই সকলো জল্পনা–কল্পনা। তাৰকা যুটীয়ে নিজে একো কথা প্ৰকাশ কৰা নাই। আজি ৰাজস্থানৰ ৰাজকীয় ৰিজ’ৰ্টত উপস্থিত হয় দুয়োপক্ষ। তাত এটা পাৰ্টীৰ আয়োজন কৰা হৈছে বুলি জনা গৈছে।

কাইলৈৰ পৰা আৰম্ভ সংগীত আৰু মেহেন্দীৰ অনুষ্ঠান। ৯ ডিচেম্বৰত বিয়া। দেওবাৰে মুম্বাইৰ বিকি কৌশলৰ ঘৰত উপস্থিত হয় অভিনেত্ৰী কেটৰিনা কাইফ আৰু পৰিয়ালৰ লোক। ইমান দিলে মুখ লুকুৱাই ৰাখিলেও দেওবাৰে কেমেৰাৰ সন্মুখত হাঁহিমুখেই ধৰা দিলে কেটৰিনাই। (Katrina Kaif Vicky Kaushal wedding)।

মিডিয়াৰ কেমেৰাৰ পৰা দূৰৈত থাকিবলৈ জয়পুৰত উপস্থিত হোৱাৰ পিছত তাৰ পৰা এখন হেলিকপ্টাৰযোগে তেওঁলোকক ছিক্স ছেন্সেছ ফ’ৰ্ট বাৰৱাৰা ৰিজ’ৰ্টলৈ নিয়া হ’ব।

দৰা–কইনাই সব্যসাচী মুখাৰ্জীয়ে ডিজাইন কৰা পোছাক পিন্ধিব বুলি জনা গৈছে। কেৱল সব্যসাচীয়ে নহয়। তেওঁলোকৰ তালিকাত আছে আৰু কেইবাজনো ডিজাইনাৰৰ নাম। সংগীতত মনীষ মালহোত্ৰাই ডিজাইন কৰা লেহেংগা পিন্ধিব কেটৰিনাই।

মেহেন্দীত কেটৰিনাই পিন্ধিব আবু জানিয়ে ডিজাইন কৰা পোছাক। আনহাতে, বিকি কৌশলে মেহেন্দী আৰু সংগীতত পিন্ধিব কুনাল ৰাৱাল আৰু ৰাঘবেন্দ্ৰ ৰাথেোৰৰ ডিজাইন কৰা পোছাক।

শুনা গৈছে যে মুম্বাইলৈ ওভতাৰ পিছত বলীউদৰ তাৰকাসকলৰ বাবে এটা ৰিচেপচন পাৰ্টীৰ আয়োজন কৰিব দুই তাৰকাই। উল্লেখযোগ্য যে বিয়াৰ পিছত মুম্বাইৰ বিলাসবহুল এপাৰ্টমেণ্টত থাকিব তাৰকা যুটীয়ে।