মুম্বাইত সুন্দৰ এটা বাংলো নিৰ্মাণ কৰিছে অভিনেতা নৱাজুদ্দিন ছিদ্দিকীয়ে। এই ঘৰ নিৰ্মাণ কৰিবলৈ সময় লাগিছে তিনি বছৰ। নৱাজুদ্দিনৰ ঘৰ ‘নবাব’ দেখি বহুতেই অবাক। এইবাৰ এই ঘৰত নৱাজুদ্দিন ছিদ্দিকীয়ে ৰাখিলে পাৰ্টী। তাতেই দেখা গ’ল বহু বলীউদ তাৰকাক অংশ লোৱা। পাৰ্টীত উপস্থিত আছিল কংগনা ৰানাৱটো। বগা শাড়ী আৰু হাই হিল পিন্ধি অহা কংগনা আছিল পাৰ্টীৰ মধ্যমণি। পাৰ্টীত কংগনাক দেখি আৰম্ভ হৈছে নানা জল্পনা–কল্পনা। নৱাজুদ্দিনৰ সৈতে ছবি কৰিব নেকি কংগনাই? নে বিশেষ বন্ধুত্ব! সেইদিনা নৱাজক দেখা গ’ল সুন্দৰ পোছাকত। মুম্বাইত নৱাজে এনেধৰণৰ ৰাজপ্ৰাসাদৰ দৰে ঘৰ নিৰ্মাণ কৰাক লৈ আচৰিত বহু লোক। কাৰণ এতিয়াও বহু বলীউদ তাৰকাই মুম্বাইত ভাড়াতীয়া হিচাপে থাকে। সেই সময়তে নিজৰ সুবিশাল বাংলো নিৰ্মাণ কৰি অবাক কৰিছে নৱাজে। পাৰ্টীত কংগনাৰ উপৰি উপস্থিত আছিল অভনীত কৌৰ। এই দুই অভিনেত্ৰীৰ সৈতে নৱাজক ফটো তোলা দেখা গৈছে।
