খেলপথাৰত হওঁক বা বাহিৰত হওঁক, ক্ৰিছ গেইলৰ অৰ্থ হৈছে মনোৰঞ্জন। যদিও তেওঁ বৰ্তমান আই পি এলত খেলি থকা নাই, ইউনিভাৰ্ছ বছৰ বিষয়ে আলোচনাৰ কোনো অন্ত নাই। শেহতীয়াকৈ, প্ৰাক্তন কেৰিবিয়ান তাৰকা ক্ৰিকেটাৰজনে তেওঁৰ সংগীত কেৰিয়াৰ আৰম্ভ কৰিছে। ক্ৰিছ গেইলে তেওঁৰ ঘৰত এটা ষ্টুডিঅ স্থাপন কৰিছে আৰু গান ৰেকৰ্ডিং কৰি আছে। আই পি এলত দ্ৰুততম শতক অৰ্জন কৰা গেইলক অৰ্কৰ সৈতে 'ওহ ফাতিমা' মিউজিক ভিডিঅ'তো দেখা যাব। ৱেষ্ট ইণ্ডিজৰ তাৰকাজন ইয়াক লৈ অতি উৎসাহিত। ইউনিভাৰ্ছ বছৰ বিষয়ে আলোচনাৰ কোনো অন্ত নাই। ক্ৰিছ গেইলে তেওঁৰ নতুন কামৰ বিষয়ে সাক্ষাৎকাৰ দিয়াৰ সময়ত বলীউডৰ তাৰকা অভিনেত্ৰী দীপিকা পাডুকনৰ ওপৰত কৰা মন্তব্যৰ বাবে শিৰোনামলৈ ঘূৰি আহিছে। সাক্ষাৎকাৰৰ সময়ত, ইউনিভাৰ্ছ বছে দীপিকাৰ সৈতে তেওঁৰ সুপ্ত আকাংক্ষা প্ৰকাশ কৰিছিল। তেওঁ দীপিকাৰ সৈতে কি কৰাৰ সপোন দেখে সেয়াও প্ৰকাশ কৰিছিল। ক্ৰিছ গেইলে কৈছিল, "মই দীপিকাক এবাৰ লগ পাইছিলো। এজনী বৰ ভাল ছোৱালী। মই দীপিকাৰ সৈতে এটা গানত নাচিব বিচাৰো। মই দীৰ্ঘদিন ধৰি এইটোৱেই বিচাৰি আছিলো।" ক্ৰিকেটৰ উপৰিও, ক্ৰিছ গেইলৰ নৃত্য প্ৰতিভা আগতে একাধিকবাৰ প্ৰমাণিত হৈছে। ক্ৰিকেট খেলপথাৰত হওঁক বা আই পি এলৰ শেষৰ পাৰ্টিত হওঁক। অৱশ্যে, দীপিকা পাডুকনৰ অভিনয় আৰু নৃত্যই ক্ৰিছ গেইলৰ হৃদয় জয় কৰাটো নিশ্চিত। দীপিকাৰ সৈতে ডান্স ফ্লোৰ ভাগ বতৰা কৰাৰ ইউনিভাৰ্ছ বছৰ সপোন সঁচা হয় নেকি সেয়া সময়েহে ক'ব।
