Harnaaz Sandhu is Miss Universe 2021: ৰূপে–গুণে অপৰূপা! দেশৰ আঠ সুন্দৰীৰ জীৱনৰ কাহিনী

ইজৰাইলৰ ইলাত অনুষ্ঠিত ৭০সংখ্যক মিছ ইউনিভাৰ্ছ ইভেণ্টত (Harnaaz Sandhu is Miss Universe 2021) বিজয়ীৰ খিতাপ আঁজুৰি আনিলে ভাৰতে। মিছ ইউনিভাৰ্ছ ২০২১ৰ খিতাপ দখল কৰে পঞ্জাবৰ ২১ বছৰীয়া হাৰনাজ সান্ধুৱে।

মিছ ইউনিভাৰ্ছ ২০০০ : ইয়াৰ পূৰ্বে মিছ ইউনিভাৰ্ছ খিতাপ দখল কৰিছিল লাৰা দত্তই। তেওঁ এই ফটোখন দিয়া মিৰ্জা আৰু প্ৰিয়ংকা চোপ্ৰাৰ (Priyanka Chopra) সৈতে শ্বেয়াৰ কৰিছে। (ফটো : ইনষ্টাগ্ৰাম)

মিছ ইউনিভাৰ্ছ ১৯৯৪ : সুস্মিতা সেন (Sushmita Sen) প্ৰথম ভাৰতীয় যিয়ে মিছ ইউনিভাৰ্ছ মুকুট পিন্ধিছিল। ২১ মে’ ১৯৯৪ চনত ফিলিপাইনত বিজয়ী হিচাপে এই মুকুট পিন্ধিছিল সুস্মিতাই।

মিছ ৱৰ্ল্ড ২০১৭ : মানুষী চিল্লাৰে (Manushi Chillar) চীনৰ মঞ্চত আকৰ্ষণীয় এই মুকুট জিকিছিল ২০১৭ চনত। হাৰিয়ানাৰ ২০ বছৰীয়া মানুষী এগৰাকী মেডিকেলৰ ছাত্ৰী। ইংলেণ্ড, ফ্ৰান্স, কেনিয়া আৰু মেক্সিকোৰ শীৰ্ষ ৫ প্ৰতিযোগীক চেৰ পেলাই এই খিতাপ দখল কৰে মানুষীয়ে। (ফটো : টুইটাৰ)

মিছ ৱৰ্ল্ড ২০০০ : প্ৰিয়ংকা চোপ্ৰাই (Priyanka Chopra) ২০০০ চনত বিশ্ব সুন্দৰীৰ খিতাপ জিকিছিল। এই সন্মানজনক প্ৰতিযোগিতাত জিকাৰ পিছত আৰু প্ৰিয়ংকাই পিছলৈ উভতি চাবলগীয়া হোৱা নাই। বৰ্তমান বলীউদৰ লগতে হলীউদতো দুৰ্দান্ত অভিনয় কৰি বিশ্বৰ কোটি কোটি জনতাৰ হৃদয় জয় কৰিছে।

মিছ ৱৰ্ল্ড ১৯৯৯ : যুক্তা মুখী চতুৰ্থ ভাৰতীয় হিচাপে এই খিতাপ জিকিছিল। (ফটো : ইনষ্টাগ্ৰাম)

মিছ ৱৰ্ল্ড ১৯৯৭ : ১৯৯৭ চনত ডায়ানা হেডেনে মিছ ৱৰ্ল্ড খিতাপ জিকিছিল। এগৰাকী অভিনেত্ৰী হিচাপে অলপ সময়ৰ পিছতে সামাজি কাম আৰম্ভ কৰে। (ফটো : ইনষ্টাগ্ৰাম)

মিছ ৱৰ্ল্ড ১৯৯৪ : ১৯৯৪ চনত ৪৪সংখ্যক মিছ ৱৰ্ল্ড প্ৰতিযোগিতাৰ খিতাপ জিকিছিল ঐশ্বৰ্য ৰায়ে। অসম্ভৱ এইগৰাকী সুন্দৰীৰ ওচৰত হাৰ মনাৰ ভয়ত প্ৰতিযোগিতাৰ পৰা বহু যুৱতীয়ে নাম প্ৰত্যাহাৰ কৰিছিল। তাৰ পিছতে হিন্দী ছবি জগতত খোজ দিয়ে আৰু বলীউদৰ আটাইতকৈ কাংক্ষিত অভিনেত্ৰীসকলৰ এগৰাকী হৈ পৰে। (ফটো : ইনষ্টাগ্ৰাম)

মিছ ৱৰ্ল্ড ১৯৬৬ : ৰীতা ফাৰিয়াই ইতিহাস সৃষ্টি কৰিছিল যেতিয়া তেওঁ মিছ ৱৰ্ল্ড খিতাপ জিকিছিল, প্ৰথম এছিয়াৰ মহিলা হিচাপে এই খিতাপ জিকিছিল। কিন্তু আন বিজয়ীসকলৰ তুলনাত তেওঁর কেৰিয়াৰৰ গ্ৰাফডাল আছিল অন্য ধৰণৰ। বিশ্বসুন্দৰীৰ খিতাপ জিকিও হিন্দী ছবি জগতত ভৰি নিদি চিকিৎসক হিচাপে প্ৰতিষ্ঠা লাভ কৰিছিল।