Deepika Padukone : স্তনৰ আকাৰ বৃদ্ধি কৰা! মাত্র ১৮ বছৰ বয়সতে দীপিকাক এই পৰামৰ্শ দিছিল কোনে? তিক্ত অভিজ্ঞতাৰ কথা বৰ্ণনা কৰিলে অভিনেত্ৰীগৰাকীয়ে...

বলীউদত শ্বাহৰুখ খানৰ বিপৰীতে প্ৰথম অভিনয় কৰিছিল অভিনেত্ৰী দীপিকা পাডুকনে। ছবিখন আছিল ঔম শান্তি ঔম। গতিকে শ্বাহৰুখ খান কেৱল সহ অভিনেতাই নহয়। দীপিকাক দিছিল নানা পৰামৰ্শও। সম্প্ৰতি এটা ইণ্টাৰভিউত সেই স্মৃতি ৰোমন্থন কৰিলে অভিনেত্ৰী দীপিকাই।

দীপিকাই জনাইছে যে, শ্বাহৰুখ খানে কৈছিল,'সকলো সময়তে তুমি এনে মানুহৰ সৈতে কাম কৰিবা, যিসকলৰ সৈতে তুমি ভাল সময় কটাব পাৰা। কাৰণ তুমি যি সময়ত ছবিৰ শ্বুটিং কৰিছা, সেই সময়তো তুমি তোমাৰ জীৱনৰো সময় কটাইছা। নানা স্মৃতি ৰৈছে। নতুন অভিজ্ঞতা হৈছে।'

কিন্তু একাংশৰ পৰা দীপিকাই কিছুমান অস্বস্তিকৰ পৰামৰ্শও পাইছিল। তেনে এটা পৰামৰ্শৰ কথাও কৈছে অভিনেত্ৰীগৰাকীয়ে। দীপিকাৰ যেতিয়া বয়স মাত্ৰ ১৮ বছৰ আছিল, তেতিয়া তেওঁক এজনে ব্ৰেষ্ট ইমপ্লাণ্ট বা স্তনৰ আকাৰ বৃদ্ধি কৰিবলৈ পৰামৰ্শ দিছিল।

দীপিকাই কৈছে- 'মোক এজনে স্তনৰ আকাৰ বৃদ্ধি কৰিবলৈ পৰামৰ্শ দিছিল। মোৰ তেতিয়া বয়স আছিল ১৮ বছৰ।'

সম্প্ৰতি মুক্তি লাভ কৰিছে Gehraiyaan ছবিখন। ছবিখনত দীপিকাৰ অভিনয়কলৈ সৰ্বত্ৰ আলোচনা হৈছে। ছবিখনত সম্পৰ্কৰ সমীকৰণ, প্ৰতাৰণা, অবিশ্বাস আদি বিষয়বোৰৰ ওপৰত নিৰ্মাণ কৰা হৈছে। পৰিচালনা কৰিছে শকুন বাত্ৰাই। ছবিখনত প্ৰধান চৰিত্ৰ আলিশাৰ ভূমিকাত অভিনয় কৰিছে  দীপিকা পাডুকনে।

ইয়াৰ উপৰিও পুনৰ শ্বাহৰুখ খানৰ বিপৰীতে অভিনয় কৰিব দীপিকা পাডুকনে। ঔম শান্তি ঔম, হেপ্পি নিউ য়েৰ, চেন্নাই এক্সপ্ৰেছৰ পিছত পাঠান ছবিত দীপিকা আৰু শ্বাহৰুখক একেলগে দেখা যাব।