Kiara Advani and Siddharth Malhotra Wedding: আজি বিবাহপাশত আৱদ্ধ হ’ব বলীউডৰ অভিনেতা সিদ্ধাৰ্থ মালহোত্ৰা আৰু অভিনেত্ৰী কিয়াৰা আদবানী

বহু প্ৰত্যাশিত বলীউডৰ এটা যুটীৰ বিয়া আজি সম্পন্ন হ’ব। বলীউডৰ অভিনেতা সিদ্ধাৰ্থ মালহোত্ৰা আৰু অভিনেত্ৰী কিয়াৰা আদবানীয়ে আজি বিবাহ পাশত আৱদ্ধ হ’ব। দুয়ো নিজ পৰিয়াল তথা ঘনিষ্ঠ লোকসকলৰ উপস্থিতিত আজীৱন যুগ্ম জীৱনৰ বান্ধোনত বান্ধ খাব।

সিদ্ধাৰ্থ আৰু কিয়াৰাই ৭ ফেব্ৰুৱাৰীত জয়সলমেৰৰ সূৰ্যগড় প্ৰাসাদত বিবাহপাশত আৱদ্ধ হ'ব। ইয়াৰ পিছত অতিথিসকলৰ বাবে এটা অভ্যৰ্থনা আয়োজন কৰা হ'ব।

জয়সলমেৰৰ সূৰ্যগড় প্ৰাসাদত সোমবাৰে সিদ্ধাৰ্থ মালহোত্ৰা আৰু কিয়াৰা আদৱানীৰ সংগীতৰ অনুষ্ঠান আয়োজিত হয়। এই অনুষ্ঠানৰ বাবে সূৰ্যগড় প্ৰাসাদ ৰঙা ৰঙেৰে জ্বলি উঠিছিল। শ্বাহিদ কাপুৰ, মীৰা ৰাজপুত, জুহি চাওলা, ঈশা আম্বানী, কৰণ জোহৰ, অৰমান জৈনো সিদ্ধাৰ্থ আৰু কিয়াৰাৰ সংগীত অনুষ্ঠানত উপস্থিত আছিল।

টুইটাৰত শ্বেয়াৰ হোৱা এটা ভিডিঅ'ত জয়সলমেৰৰ সূৰ্যগড় প্ৰাসাদত সোমবাৰে অনুষ্ঠিত সিদ্ধাৰ্থ আৰু কিয়াৰাৰ হালধি অনুষ্ঠানৰ সজ্জা দেখুওৱা হৈছে। আটক ধুনীয়াকৈ সজাই তোলা সিদ্ধাৰ্থ আৰু কিয়াৰাৰ হালধী, সংগীত আৰু বিবাহস্থলী।

এক প্ৰতিবেদন অনুসৰি, ১০ খন দেশৰ প্ৰায় ১০০ টা ব্যঞ্জন বিবাহৰ অভ্যৰ্থনা অনুষ্ঠানত পৰিৱেশন কৰা হ'ব। মেনুখনত ইটালিয়ান, চীনা, আমেৰিকান, দক্ষিণ ভাৰতীয়, মেক্সিকান, ৰাজস্থানী, পাঞ্জাৱী আৰু গুজৰাটী ৰন্ধনপ্ৰণালী অন্তৰ্ভুক্ত আছে।<span style="color: #333333; font-size: 1rem;"> </span>

সোমবাৰে সংগীতত ৰাঞ্জা, কভি তুমহে, তেৰা বান জাউঙ্গা আৰু কিয়াৰাৰ ছবিৰ লগতে মন ভাৰিয়া, ছে না, মেহেন্দি লগাকে ৰাখনা, সজন জী আৰু পাটিয়ালা পেগৰ দৰে গান বজোৱা হৈছিল বুলি জানিব পৰা গৈছে।

কিয়াৰা আৰু সিদ্ধাৰ্থে বহু সময়ৰ পৰা প্ৰেমৰ সম্পৰ্কত আছিল। কিন্তু তেওঁলোকে ৰাজহুৱাভাৱে কেতিয়াও নিজে স্বীকাৰ কৰা নাছিল। তথাপিও দুয়োয়ে ইজনে সিজনক ঘনিষ্ঠ বন্ধু বুলি অভিহিত কৰি আহিছিল। তেওঁলোকক একেলগে বলীউডৰ চলচিত্ৰ ‘শ্বেৰশ্বাহ’ ত অভিনয় কৰিছিল। এই ছবিখনৰ পিছতেই সকলোৱে এই যুটীটোক অধিক পছন্দ কৰিবলৈ লৈছিল।