Juhi Chawla B’day Special: জুহি চাওলাই পালন কৰিলে ৫৪তম জন্মদিন, আজিও মুখত আছে সেই একেই উজ্জ্বল আভা...

জুহি চাওলাই (Juhi Chawla) এক উজ্জ্বল প্ৰদৰ্শনেৰে চলচ্চিত্ৰ উদ্যোগত নিজৰ বাবে এটা স্থান অৰ্জন কৰিছে। জুহিয়ে তেওঁৰ চলচ্চিত্ৰ কেৰিয়াৰত বিভিন্ন চৰিত্ৰত অভিনয় কৰিছে। জুহিয়ে বহুতো অভিনেতাৰ সৈতে অভিনেত্ৰী ৰূপত কাম কৰিছে। কিন্তু আমীৰ খান, শ্বাহৰুখ খান আৰু ঋষি কাপুৰৰ সৈতে তেওঁৰ যুটি জনপ্ৰিয়। ১৯৬৭ চনৰ ১৩ নৱেম্বৰত পঞ্জাবত জন্মগ্ৰহণ কৰা জুহিয়ে তেওঁ ৫৪ সংখ্যক জন্মদিন পালন কৰে। (ফটো সৌজন্যঃ iamjuhichawla/Instagram)

জুহি চাওলা বুলি ক'লে আজিও এনে এখন মুখৰ ছবি ভাহি উঠে, য'ত বয়সৰ আভাস নাথাকে। জুহিয়ে ১৯৮৪ চনত মিছ ইণ্ডিয়া খিতাপ জয় কৰিছিল। কেৱল সেয়াই নহয়, তেওঁ মিছ ইউনিভাৰ্ছ প্ৰতিযোগিতাতো অংশগ্ৰহণ কৰিছিল আৰু শ্ৰেষ্ঠ পোছাকত বঁটা লাভ কৰিছিল। সৌন্দৰ্য প্ৰতিযোগিতাত সফলতাৰ পিছত জুহি বলীউডলৈ আহে। (ফটো সৌজন্যঃ iamjuhichawla/Instagram)

জুহিয়ে ১৯৮৭ চনৰ চলচ্চিত্ৰ 'চুলতানত'ৰ দ্বাৰা আত্মপ্ৰকাশ কৰিছিল। চলচ্চিত্ৰখনত তেওঁ বিশেষ সফল হোৱা নাছিল যদিও দ্বিতীয়খন ছবি 'কয়ামত চে কয়ামত তক' ইমান সফল হৈছিল যে ই জুহিক খ্যাতিৰ শিখৰলৈ লৈ গৈছিল। ৯০ৰ দশকত জুহি আছিল ভাৰতীয় দৰ্শকৰ অতিকে আপোন। (ফটো সৌজন্যঃ iamjuhichawla/Instagram)

'কয়ামত চে কয়ামত তক' বোলছবিখনত জুহি চাওলা এগৰাকী মধ্যবিত্ত শালীন ছোৱালীৰ চৰিত্ৰত অভিনয় কৰিছিল। ই দৰ্শকৰ ওপৰত অতি গভীৰ প্ৰভাৱ পেলাইছিল। জুহিয়ে কেতিয়াও কোনো ব'ল্ড দৃশ্যত অভিনয় কৰা নাছিল। জুহিৰ সফলতাই প্ৰমাণ কৰে যে বলীউডত ব'ল্ড দৃশ্য নকৰাকৈও সফল হ'ব পাৰি। (ফটো সৌজন্যঃiamjuhichawla/Instagram)

জুহিয়ে 'প্ৰতিবন্ধ', 'স্বৰ্গ' 'লুটেৰে', 'হাম হে ৰাহি প্যাৰ কে', 'দৰ'ৰ দৰে চলচ্চিত্ৰত অভিনয় কৰি দৰ্শকক গৌৰৱান্বিত কৰিছিল। 'হম হে ৰাহি প্যাৰ কে'ৰ বাবে ফিল্মফেয়াৰৰ শ্ৰেষ্ঠ অভিনেত্ৰীৰ বঁটাও লাভ কৰিছিল। (ফটো সৌজন্যঃ iamjuhichawla/Instagram)

জুহি চাওলাই বিবাহ পাশত আবদ্ধ হৈছিল আৰু চলচ্চিত্ৰৰ পৰা অলপ দূৰত্ব বজাই ৰাখে। তেওঁৰ ছবি 'শৰ্মা জী নমকীন' সোনকালেই মুক্তি পাবলৈ সাজু হৈছে। ছবিখনত জুহিৰ সৈতে প্ৰয়াত অভিনেতা ঋষি কাপুৰকো দেখুওৱা হ'ব। (ফটো সৌজন্যঃ iamjuhichawla/Instagram)

জুহি চাওলাৰ ব্যক্তিগত জীৱনৰ বিষয়ে ক'বলৈ গ'লে, তেওঁ ব্যৱসায়ী জয় মেহতাৰ সৈতে এক সুখী বৈবাহিক জীৱন যাপন কৰি আছে। জুহি কন্যা জাহ্নৱী আৰু পুত্ৰ অৰ্জুনৰ মাতৃ। (ফটো সৌজন্যঃ iamjuhichawla/Instagram)