কোনো কথা আৰু লুকুৱাই ৰাখিব নিবিচাৰিলে তেওঁলোকে। প্ৰথমবাৰৰ বাবে ৰেড কাৰ্পেটত দেখা গ’ল কে এল ৰাহুল আৰু আথিয়া শেট্টীক। বহুদিন ধৰি ভাৰতীয় দলৰ তাৰকা বেটছমেন কে এল ৰাহুল আৰু বলীউদ অভিনেতা সুনীল শেট্টীৰ কন্যা আথিয়াৰ সম্পৰ্কৰ কথা চৰ্চিত হৈ আহিছিল। এইবাৰ সেই সম্পৰ্কত যেন ছীল–মোহৰ পৰিল। তেওঁলোকৰ সম্পৰ্কক লৈ কোনো এগৰাকীয়ে মুখ খোলা নাই। কিন্তু তেওঁলোকৰ চাল–চলনে তেওঁলোকৰ সম্পৰ্কৰ কথা প্ৰায়ে বুজাই দিয়ে। সুনীল শেট্টীৰ পুত্ৰ তথা আথিয়াৰ ভাতৃ আয়ান শেট্টীৰ নতুন ছবি তড়প ৰিলিজ কৰিব শীঘ্ৰে। আৰু চিনেমাৰ স্ক্ৰিণিঙৰ সময় একেলগে দেখা গ’ল কে এল ৰাহুল আৰু আথিয়াক। মাতৃ মানা, পিতৃ সুনীল আৰু ভগ্নী আথিয়া শেট্টীৰ সৈতে ৰেড কাৰ্পেটত দেখা গ’ল তড়প ছবিৰ নায়ক আয়ানক। শেট্টী পৰিয়ালৰ সকলোৰে সৈতে মঞ্চত ফটো তুলিলে কে এল ৰাহুলে। অৰ্থাৎ সম্পৰ্কৰ বিষয়ে কোনো লুকধাক ৰাখিব নিবিচাৰে ৰাহুলে। তেলেগু ছবি RX 100 (২০১৮ চনত ৰিলিজ কৰা)ৰ ৰিমেক তড়প। এই ছবিত আছে বলীউদৰ অভিনেত্ৰী তাৰা সুতাৰিয়া। উক্ত দিনটোত আৰু এক তাৰকা যুটী লিয়েণ্ডাৰ পেজ আৰু কিম শৰ্মাক একেলগে দেখা যায়। বৰ্তমান তেওঁলোকো খুল্লমখুল্লা প্ৰেমত নিমজ্জিত।
