কণ্ঠশিল্পী গীতালি দেৱীয়ে আৰম্ভ কৰিলে জীৱনৰ আন এক ইনিংছ। সুমিত সাগৰৰ সৈতে বৃহস্পতিবাৰে হৈ গ’ল গীতালি দেৱীৰ বাগদান পৰ্ব। লগতে অনুষ্ঠিত হ'ল গীতালিৰ মেহেন্দী অনুষ্ঠান। ছবিত সুমিত সাগৰৰ সৈতে আঙুঠি পিন্ধোৱা পৰ্বত দেখা গৈছে কন্ঠশিল্পী গীতালিক। জীৱন সংগীৰ সৈতে ফটো শ্ৱেয়াৰ কৰি গীতালিয়ে সামাজিক মাধ্য়মত লিখে, "আপোনালোকে মৰম আৰু আৰ্শীবাদ কৰিব যাতে আমাৰ ভৱিষ্যত যুগ্ম জীৱন মেহেন্দীৰ ৰঙৰ দৰে ৰঙীন হৈ পৰে।" আৰু এনেদৰে নতুন যুগ্ম জীৱনৰ বাবে সামাজিক মাধ্য়মত সকলোৰে পৰা বিচাৰিলে আশীৰ্বাদ। গীতালি আৰু সুমিতৰ যুগ্ম জীৱনলৈ বিভিন্নজনে জনাইছে শুভকামনা।
