বলীউদৰ তাৰকাৰ সৈতে আইমী বৰুৱা! অজয় দেৱগণ, নাৱাজুদ্দিন ছিদ্দিকি, অনুপম খেৰ, আদিল হুছেইনক সাক্ষাৎ

অসমীয়া চলচিত্ৰৰ এগৰাকী প্ৰসিদ্ধ অভিনেত্ৰী আইমী বৰুৱাই ৫৩তম ভাৰতীয় আন্তঃৰাষ্ট্ৰীয় চলচিত্ৰ মহোৎসৱ, গোৱাত অংশগ্ৰহণ কৰে।

এই চলচিত্ৰ মহোৎসৱত তেওঁ বিভিন্ন বলীউদ তাৰকাৰ সানিধ্য লাভ কৰিছে। অভিনেতা নাৱাজুদ্দিন ছিদ্দিকিক লগ ধৰি তেওঁক লগ পোৱাৰ মুহূৰ্ত কেমেৰাত আৱদ্ধ কৰিলে।

অসম গৌৰৱ, ৰাষ্ট্ৰীয় তথা আন্তঃৰাষ্ট্ৰীয় পৰ্যায়ত বিখ্যাত অভিনেতা আদিল হুছেইনৰ সৈতে আইমী বৰুৱা।

হিন্দী চিনেমাৰ অভিনেতা তথা পৰিচালক অনুপম খেৰৰ সৈতে আইমী বৰুৱা। ৫৩ তম ভাৰতীয় আন্তৰ্জাতিক চলচ্চিত্ৰ মহোৎসৱত লগ পালে দুয়ো অভিনেতাই।

ভাৰতীয় আন্তঃৰাষ্ট্ৰীয় চলচ্চিত্ৰ মহোৎসৱ ১৯৫২ চনত প্ৰতিষ্ঠা হৈছিল। চিনেমা উদযাপনৰ বাবে এই মহোৎসৱ আৰম্ভ কৰা হয়। এই বৰ্ষৰ ২০ নৱেম্বৰৰ পৰা ২৮ নৱেম্বৰ ২০২২ লৈ ন দিনীয়া কাৰ্যসূচীৰে আয়োজিত ভাৰতীয় আন্তৰ্জাতিক চলচ্চিত্ৰ মহোৎসৱত দেশ–বিদেশৰ চলচ্চিত্ৰ দেখুওৱা হৈছে।

১৯৭৫ চনৰ পৰা প্ৰতি বছৰে গোৱা ৰাজ্যৰ চৰকাৰৰ সহযোগত তথ্য আৰু সম্প্ৰচাৰ মন্ত্ৰালয়েএই উৎসৱ অনুষ্ঠিত কৰি আহিছে। ৰাষ্ট্ৰীয় চলচ্চিত্ৰ উন্নয়ন নিগম অফ ইণ্ডিয়া লিমিটেড (এনএফডিচি) আৰু ভাৰতীয় চলচ্চিত্ৰ উদ্যোগে মহোৎসৱৰ সংগঠনত সক্ৰিয়ভাৱে অংশগ্ৰহণ কৰে।

এই চলচিত্ৰ মহোৎসৱৰ বিভিন্ন কাৰ্যসূচীত অংশগ্ৰহণ কৰে আইমী বৰুৱাই। তেওঁ সামাজিক মাধ্যমত এটা পোষ্ট কৰি নিজৰ অভিজ্ঞতা তথা মহোৎসৱটোৰ কিছু বিশেষ মুহূৰ্ত শ্বেয়াৰ কৰে।