বলীউদৰ ফিটনেচ ক্যুইন মালাইকা আৰোৰাই নিজৰ ৪৮ সংখ্যক জন্মদিনৰ দিনা ছচিয়েল মিডিয়া কঁপাইছে। বলীউদৰ এই অভিনেত্ৰীৰ জন্মদিনত বন্ধু-বান্ধৱ আত্মীয়-স্বজন সকলোৱে শুভেচ্ছা জনাইছে। কিন্তু মলাইকাৰ আটাইতকৈ আপোন বন্ধু অৰ্জুন কাপুৰৰ শুভেচ্ছা যেন সকলোতকৈ ওপৰত। অৰ্জুনে মলাইকাৰ সৈতে অত্যন্ত ৰোমাণ্টিক ফটো শ্বেয়াৰ কৰিছে। মলাইকাৰ জন্মদিনৰ দিনা কৰিণা কাপুৰ খানে ফটো ক্ৰেডিট বিচাৰিছে। অৰ্জুন কাপুৰৰ সৈতে সম্পৰ্কৰ খবৰ আজি কাৰোৰে বাবেই নতুন হৈ থকা নাই। বহু সময়ত একেলগে দেখা যায় অৰ্জুন কাপুৰ আৰু মলাইকাক। মলাইকাৰ সৈতে সময় কটাই কৰিণা কাপুৰ, কৰণ জোহৰ আৰু অমৃতা আৰোৰাইয়ো। প্ৰায় প্ৰতিটো পাৰ্টীতে তেওঁলোকক একেলগে দেখা যায়। অৰ্জুন কাপুৰে মলাইকাৰ জন্মদিনত অত্যন্ত সুন্দৰ উপহাৰ দিছে, যি চিৰকালৰ বাবেই মনত থাকিব। ইনষ্টাগ্ৰামত অৰ্জুন কাপুৰে লিখিছে, কেৱল আজিৰ বাবেই নহয়, সকলো সময়তে মোৰ হাঁহিটো তোমাৰ হাঁহি হিচাপে চাব বিচাৰো। ঈশ্বৰক প্ৰাৰ্থনা কৰিছো, এই বছৰ যেন আৰু বেছি হাঁহি ফুৰ্তিৰ মাজেৰে পাৰ হয়। দেশৰ অন্যতম জনপ্ৰিয় মডেলৰ মাজত অন্যতম মালাইকা আৰোৰাই ৯০ৰ দশকত বেছ কিছু মিউজিক ভিডিওত কাম কৰিছিল।
