পুৰুষ নগ্ন হ’লে সমস্যা নাই, কিন্তু মহিলা নগ্ন হ’লেই ছিঃ ! পুণম পাণ্ডেৰ ভিডিঅ’কলৈ বিস্ফোৰক মন্তব্য

তেওঁ ৰাষ্ট্ৰীয় পুৰষ্কাৰপ্ৰাপ্ত এডিটৰ আৰু চিত্ৰনাট্যকাৰ। নাম অপূৰ্ব আছৰানী। সমাজৰ বিভিন্ন প্ৰতিবন্ধকতাক লৈ এইবাৰ মুখ খুলিছে অপূৰ্বই। কিছুদিন পূৰ্বে গোৱাৰ বিচ্চত নগ্ন হৈ ফটোশ্বুট কৰিছিল দুগৰাকী মডেলে। এগৰাকী পুণম পাণ্ডে। আনগৰাকী মিবিন্দ সুমন।

বুধবাৰে নিজৰ ৫৫ সংখ্যক জন্মদিনৰ দিনা গোৱাৰ বিচ্চত উলংগ হৈ মিলিন্দ সুমনে দৌৰা ভিডিঅ’ ছচিয়েল মিডিয়াত আপলোড কৰিছিল। আৰু তাৰ পিছতে ৫৫ বছৰ বয়সতো মিলিন্দে নিজৰ স্বাস্থ্যৰ যি যতন লৈছে, তাকে লৈ প্ৰশংসা বুটলিছিল।

কিন্তু তাৰ বিপৰীতে সমালোচনাৰ সন্মুখীন হৈছিল পুণম পাণ্ডে। আনকি পুণমৰ বিৰুদ্ধে দাখিল কৰা হৈছিল এজাহাৰ। অভিযোগ কৰিছিল যে, পুণমে অশ্লীলতা বিঁয়পাইছে।

অপূৰ্বই  দুয়োখন ছবি নিজৰ প্ৰ’ফাইলত শ্বেয়াৰ কৰি লিখিছে যে,#PoonamPandey & #MilindSoman both stripped down to their birthday suits in #Goa recently. Pandey partly, Soman completely. Pandey is in legal trouble--for obscenity. Soman is being lauded for his fit body at age 55. I guess we are kinder to our nude men than to our nude women." Have a look right here:

অৰ্থাত্‍, সম্প্ৰতি, গোৱাত পণম পাণ্ডে আৰু মিলিন্দ সুমন দুয়োজনেই নিজৰ জন্মদিন উদযাপন কৰিলে। পাণ্ডে আইনী জটিলতাৰ মাজত। অশ্লীলতাৰ গোচৰ। তাৰ বিপৰীতে সুমনক ৫৫ বছৰ বয়সতো নিজৰ দেহ এনেদৰে মেইনটেইন কৰাত প্ৰশংসা কৰা হৈছে। মোৰ ধাৰণা, নগ্ন মহিলাৰ তুলনাত নগ্ন পুৰুষৰ ক্ষেত্ৰত আমি বেছি দয়ালু।

মিলিন্দে নিজৰ ফটো শ্বেয়াৰ কৰি লিখিছিল যে, হেপ্পী বাৰ্থ দ্যে টু মি, ৫৫ আৰু দৌৰিছো। কিন্তু পুণম পাণ্ডে নগ্ন হোৱাৰ পিছতে গোৱাৰ মহিলা সমিতিয়ে আৰক্ষীৰ ওচৰ চাপি পুণমৰ বিৰুদ্ধে দাখিল কৰিলে এজাহাৰ।

পুণম পাণ্ডেক ইতিমধ্যে আটক কৰিছে আৰক্ষীয়ে। গোৱাৰ শাসক-বিৰোধীয়েও এইলৈ মন্তব্য কৰিছে।

পুণমে ৰাজহুৱা স্থানক শৰীৰৰ পোছাক খুলি স্তন প্ৰদৰ্শন কৰাত এতিয়া ক্ষোভিত হৈ পৰিছে স্থানীয় মহিলা সংগঠন।