দীৰ্ঘ সময়ৰ অৱসান! বিয়াৰ তাৰিখ ঠিক হ'ল পবিত্ৰ ৰিস্তাৰ অভিনেত্ৰী অংকিতা লোখণ্ডে আৰু তেওঁৰ দীৰ্ঘদিনীয়া প্ৰেমিকা বিকি জৈনৰ। মুম্বাইত হ'ব বিবাহৰ অনুষ্ঠান। বিয়াৰ কাৰ্ডো প্ৰায় তৈয়াৰ হৈছে। ই-টাইমছৰ ৰিপৰ্ট মতে, অংকিতা লোখণ্ডেই তেওঁৰ দীৰ্ঘদিনীয়া প্ৰেমিকা বিকি জৈনৰ সৈতে ১২ ডিচেম্বৰত বিয়াত বহিব। ১২,১৩ আৰু ১৪ ডিচেম্বৰত ৰীতি মতে সম্পন্ন হ'ব বিবাহ অনুষ্ঠান। ইয়াৰ আগে পিছেও বিভিন্ন অনুষ্ঠান থাকিব। অংকিতা লোখণ্ডে ভীষণ ধাৰ্মিক। সকলো ধৰণৰ পৰম্পৰাগত নিয়ম নীতিৰ মাজেৰে বিবাহ কাৰ্য সম্পূৰ্ণ কৰিব তেওঁ। চলিত বছৰৰ আৰম্ভণিৰ পৰাই অভিনেত্ৰীগৰাকীৰ বিবাহকলৈ চলিছিল চৰ্চা। বিবাহৰ অনুষ্ঠান বছৰৰ আৰম্ভণিতে অনুষ্ঠিত কৰাৰ কথা আছিল যদিও, কোৰোণাৰ বাবে পিছুৱাই দিছিল। খবৰ অনুসৰি, ইতিমধ্যে বিবাহৰ নিমন্ত্ৰণী পত্ৰৰ কাম শেষ কৰিছে। উল্লেখ্য যে, সুশান্ত সিং ৰাজপুতৰ প্ৰাক্তন প্ৰেমিকা অংকিতা লোখণ্ডেক পৰম্পৰাগত সাজত কেনে লাগিব, সেই লৈ গুণা-গথা বহুতৰ।
