অসমীয়া ছবিজগতৰ জনপ্ৰিয় অভিনেত্ৰী আইমী বৰুৱা। অভিনেত্ৰীগৰাকীয়ে ছচিয়েল মিডিয়াত অত্যন্ত সক্ৰিয়। প্ৰায়ে নিজৰ ছ’চিয়েল মিডিয়া হেণ্ডেলত অনুৰাগীসকলৰ বাবে আপলোড কৰে আকৰ্ষণীয় ফটো বা ভিডিও। নিজৰ প্ৰতিভাৰে অনুৰাগীক মোহাচ্ছন্ন কৰি আহিছে তাৰকা অভিনেত্ৰীগৰাকীয়ে। বুধবাৰে কাঁ ৰেড কাৰ্পেটত দেখা যায় অভিনেত্ৰী-চলচ্চিত্ৰ নিৰ্মাতা আইমী বৰুৱাক। পাটৰ মেখেলা চাদৰ পৰিধান কৰি ভাৰতক বিশ্ব মঞ্চত প্ৰতিনিধিত্ব কৰিছিল আইমী বৰুৱাই। ডিজাইনাৰ আদিত্যমে ডিজাইন কৰে আইমীৰ সাজযোৰ, যিযোৰ জালুকবাৰীৰ শিপিনীসকলে স্থানীয়ভাৱে নিৰ্মাণ কৰিছিল। আইমী বৰুৱাই সামাজিক মাধ্যমত ফটো শ্বেয়াৰ কৰি লিখিছে, "অসমৰ স্বাভিমান-গৌৰৱ পাট কাপোৰ পৰিধান কৰি দ্বিতীয় বাৰৰ বাবে কাঁ আন্তৰ্জাতিক চলচ্চিত্ৰ মহোৎসৱ (Cannes International Film Festival) ৰ "ৰেড কাৰ্পেট" ত খোজ কাঢ়ি অনন্য-অভিভূত সময়েৰে মুগ্ধ হ'লোঁ।" যোৱা বছৰ আইমী বৰুৱাক ইণ্ডিয়ান পেভিলিয়নত তেওঁৰ পৰিচালনাৰ 'চেমখৰ' প্ৰদৰ্শনৰ বাবে কাঁলৈ আমন্ত্ৰণ জনোৱা হৈছিল। আইমীৰ ফটো দেখি আপ্লুত হৈ পৰিছে অনুৰাগীসকল। বহুজনে ফটোত মন্তব্যত প্ৰশংসা কৰিছে অভিনেত্ৰীগৰাকীক।
