Rape Verdict : মাত্ৰ ১১ মিনিটহে ধৰ্ষণ হৈছিল...এই বুলি কৈ বিচাৰকে হ্ৰাস কৰিলে শাস্তি, দেশজুৰি বিক্ষোভ

ছুইজাৰলেণ্ড (Switzerland)ত ধৰ্ষণ (Rape)ৰ গোচৰত দিয়া ৰায়ক লৈ জনসাধাৰণ ন্য়ায়াধীশৰ বিপক্ষে ৰাজপথত ধৰ্ণা প্ৰদৰ্শন কৰি আছে। ২০২০ চনৰ ধৰ্ষণৰ এটা গোচৰত আদালতে ধৰ্ষণকাৰীৰ শাস্তি এইবুলি কৈ হ্ৰাস কৰিছে যে, ধৰ্ষণকাৰীয়ে মাত্ৰ ১১ মনিট সময়হে ধৰ্ষণ কৰিছিল। বিচাৰকৰ এই ৰায়ৰ বিৰুদ্ধে ৰাজপথলৈ ওলাই আহিছে সাধাৰণ জনতা আৰু এই ৰায় উঠাই ল'বলৈ দাবী জনাইছে। (ফটো- AP)

ডেইলি মেলৰ খবৰ মতে, এই গোচৰটো ২০২০ চনৰ ২০ জুনৰ। বেছলৰ বাসিন্দা ৩৩ বছৰ বয়সীয়া এগৰাকী মহিলাই গোচৰ তৰিছিল, তেওঁক ঘৰৰ বাহিৰত দুজন পৰ্তুগীজে প্ৰথমে আক্ৰমণ কৰে আৰু তাৰ পাছত বন্ধক সজাই ধৰ্ষণ কৰে। অভিযুক্ত দুটাৰ এটাৰ বয়স ৩২ বছৰ আৰু আনটোৰ ১৭ বছৰ বুলি জনাইছে। গোচৰটোৰ ৰায়ত মহিলা ন্যাযাধীশে কয় যে, কেৱল ১১ মিনিট সময়হে ৰেপ হৈছিল, গতিকে ইয়াৰ শাস্তি কম হ'ব লাগে। (ফটো- AP)

ধৰ্ষণকাৰীটোক এতিয়াও আদালতে শাস্তি বিহা নাই। অন্যহাতে দ্বিতীয় অপৰাধীটোৰ শাস্তি ৫১ মাহৰ পৰা কমাই ৩৬ মাহলৈ হ্ৰাস কৰিহে দিয়া গ'ল। জনসাধাৰণে এই ৰায়ৰ বিৰুদ্ধে জোৰদাৰ বিৰোধিতা কৰা দেখা গৈছে। (ফটো- AP)

সেয়াই নহয়, মহিলা বিচাৰকগৰাকীয়ে ভুক্তভোগীগৰাকীক লৈও বিতৰ্কিত মন্তব্য কৰিছে। বিচাৰকে কয় যে পীড়িতাগৰাকীয়ে নিশ্চয় সন্মতি সূচক ইংগিত দিছিল আৰু সেই কাৰণেহে অভিযুক্তৰ সাহস বাঢ়ি এই কাৰ্য সংঘটিত কৰিলে। গতিকে এই দোষ তেনেই নগণ্য আৰু ইয়াৰ শাস্তিও নগণ্যই হ'ব। (ফটো- AP)

জানিব পৰা মতে, গোচৰীয়া মহিলাগৰাকীয়ে অভিযুক্ত দুটাক এটা নাইট ক্লাৱত লগ পাইছিল। সেয়ে বিচাৰকগৰাকীয়ে কয়, মহিলাগৰাকীয়ে অভিযুক্তক প্ৰথম নাইট ক্লাৱত লগ পাইছিল আৰু টয়লেটলৈ যাওঁতে অভিযুক্তক এটা ইংগিত দি গৈছিল। (ফটো- AP)

<br /> বিচাৰকগৰাকীৰ বিৰুদ্ধে ৰাজপথত ধৰ্ণা দিয়া অধিকাংশই মহিলা। তেওঁলোকে এই সময়ত ১১ মিনিট সময় মৌন হৈও প্ৰতিবাদ সাব্যস্ত কৰে। মহিলাসকলে '১১মিনিট বহুত সময় হয়' এই শ্লোগান বেনাৰত লিখি বিক্ষোভ প্ৰদৰ্শন কৰে। (ফটো- AP)

তাৰে এখন বেনাৰত লিখা আছিল- 'বহুত কম সময়ৰ বাবে ৰেপ মানে একো নহয়, কিন্তু ৰেপ মানেই ৰেপ'। ফটো- AP)