পেঞ্চনাৰ সকলৰ বাবে ভাল খবৰ ! SBI-ৰ এই সেৱাৰ জৰিয়তে এতিয়া ঘৰত বহিয়ে পাব সকলোবোৰ সুবিধা...
ভাৰতীয় ষ্টেট বেংক (State Bank of India)য়ে পেঞ্চনাৰ সকলৰ বাবে এক বিশেষ ওৱেবচাইট মুকলি কৰিছে। SBI ৰ চিনিয়ৰ চিটিজেনে এতিয়াৰে পৰা https://www.pensionseva.sbi/-ত গৈ নিজৰ পেঞ্চন সম্পৰ্কীয় সকলো তথ্য উলিয়াই ল'ব পৰিব।
আপুনি ৱেবছাইটটো এনেদৰে ব্যৱহাৰ কৰিব পাৰে - আপুনি এই ৱেবছাইটত প্ৰথমে আপোনাৰ নাম পঞ্জীয়ন কৰিব লাগিব। তাৰ পিছত আপুনি ইয়াক সহজে লগ ইন কৰি ব্যৱহাৰ কৰিব পাৰে। এই ৱেবছাইটটোৱে জ্যেষ্ঠ নাগৰিকসকলৰ বাবে পেঞ্চন সম্পৰ্কীয় বহুতো কাম সহজ কৰি তুলিব। ষ্টেট বেংকে টুইট কৰি এই ৱেবছাইটটোৰ বিষয়ে সকলোকে অৱগত কৰিছে।
ৱেবছাইটত এই বিশেষ সুবিধাসমূহ উপলব্ধ হ'ব- ষ্টেট বেংকে টুইট কৰি জনাইছে যে, এই ৱেবছাইটৰ জৰিয়তে ব্যৱহাৰকাৰীসকলে বকেয়া ধনৰ গণনা নথি-পত্ৰ, পেঞ্চন শ্লিপ বা ফৰ্ম-১৬ আদি সহজে ডাউনলোড কৰিব পাৰিব। ইয়াৰ উপৰি, পেঞ্চন প্ৰফিট বিৱৰণ তথ্য, আপোনাৰ বিনিয়োগ তথ্য আৰু লাইফ চাৰ্টিফিকেট সম্পৰ্কীয় তথ্য ইয়াৰ জৰিয়তে পৰীক্ষা কৰিব পাৰিব। বেংকত কৰা সকলো লেনদেন বিষয়ক তথ্যও একেটা ৱেবছাইটৰ জৰিয়তে উপলব্ধ হ'ব।
আপুনি কেনে ধৰণৰ লাভ পাব জানি লওক - এই ৱেবছাইটত পঞ্জীয়ন হোৱাৰ পিছত আপুনি বিভিন্ন ধৰণে লাভাম্বিত হ'ব পাৰিব। যেতিয়াই আপোনাৰ একাউণ্টত পেঞ্চন সোমাব, তাৰ তথ্যবোৰ আপোনাৰ ফোন নম্বৰলৈ পঠিওৱা হ'ব। ব্ৰান্স লাইফ চাৰ্টিফিকেট উপলব্ধ হোৱাৰ লগতে মেইলৰ জৰিয়তে পেঞ্চন শ্লিপো পাব পাৰিব। একে সময়তে, আপুনি আপোনাৰ লাইফ চাৰ্টিফিকেট ষ্টেট বেঙ্কৰ যিকোনো শাখাত দাখিল কৰিব পাৰিব।
