অৱশেষত সাধাৰণ জনতাৰ বাবে যেন কিছু সকাহৰ খবৰ। কেন্দ্ৰীয় চৰকাৰৰ লগতে অসম চৰকাৰেও সাধাৰণ জনতাক দিছে ভাল খবৰ। দিপাৱলীৰ প্ৰাক দিনা এই খবৰে নিশ্চিতভাৱে সামান্য পৰিমাণে হ'লেও সকাহ দিছে ৰাজ্যবাসীক। পেট্ৰ'ল আৰু ডিজেলৰ (Petrol and diesel Price) ওপৰত থকা ভেট ৭ টকাকৈ হ্ৰাস অসম চৰকাৰৰ (Assam Govt)। এই ঘোষণা মুখ্যমন্ত্ৰী হিমন্ত বিশ্ব শৰ্মাৰ। এদিনতে কেন্দ্ৰ আৰু ৰাজ্য চৰকাৰে মিলি পেট্ৰ'লৰ লিটাৰত ১২ টকা আৰু ডিজেলত ১৭ টকা হ্ৰাস কৰে। দেৱালীৰ প্ৰাকমুহূৰ্তত ভাৰত চৰকাৰে পেট্ৰ'ল আৰু ডিজেলৰ ওপৰত আৱকাৰী শুল্ক হ্ৰাস কৰাৰ কথা ঘোষণা কৰিছিল। ANIৰ প্ৰতিবেদন মতে, বৃহস্পতিবাৰৰ পৰা পেট্ৰ'ল আৰু ডিজেলৰ ওপৰত আবকাৰী শুল্ক ক্ৰমান্বয়ে ৫ আৰু ১০ টকা হ্ৰাস কৰা হ'ব। চৰকাৰী সূত্ৰৰ উদ্ধৃতিৰে কোৱা হৈছিল যে ডিজেলৰ ওপৰত আবকাৰী শুল্ক হ্ৰাস পেট্ৰ'লতকৈ দুগুণ হ'ব আৰু ই কৃষকসকলৰ বাবে উৎসাহজনক হ'ব।
