Multibagger Stock: ৯ মাহতে ১৪৭ টকীয়া শ্বেয়াৰৰ মূল্য হৈছে ৭৭৭৯ টকা, কি এই ই কে আই এনাৰ্জি কোম্পানী

২০২১ চনত এটা কোম্পানীৰ শ্বেয়াৰে প্ৰায় ৫০০০ শতাংশ ৰিটাৰ্ন দিছে। ২০২১ চনৰ এপ্ৰিলত আৰম্ভ হোৱাৰ মাত্ৰ ৯ মাহতে এই ৰিটাৰ্ন আহিছে। কোম্পানীটোৰ নাম ই কে আই এনাৰ্জি (EKI Energy)। ২০২১ চনৰ এপ্ৰিলত ই কে আই এনাৰ্জি কোম্পানীৰ শ্বেয়াৰৰ মূল্য আছিল ১৪৭ টকা। এই শ্বেয়াৰ ৯ মাহত ১৪৭ টকাৰ পৰা ৭৭৭৯ টকালৈ বৃদ্ধি হৈছে ২৪ ডিচেম্বৰলৈ। (Photo: News18 Hindi)

এই হিচাপ অনুযায়ী ই কে আই এনাৰ্জি কোম্পানীৰ শ্বেয়াৰ ৯ মাহত প্ৰায় ৫১.৯২ শতাংশ বৃদ্ধি পাইছে। ই কে আই এনাৰ্জি কোম্পানী ২০১১ চনত প্ৰতিষ্ঠা কৰা হৈছিল। এপ্ৰিল ২০২১ত কোম্পানীয়ে ইয়াৰ ইনিছিয়েল পাবলিক অফাৰিং অনুযায়ী ১৮০ নিযুত টকা সংগ্ৰহ কৰিবলৈ চেষ্টা কৰিছিল আৰু প্ৰথম দিনাই শ্বেয়াৰৰ মূল্য ১৪৭ টকাত তালিকাভুক্ত হৈছিল। তেতিয়াৰ পৰা, ই কে আই এনাৰ্জি কোম্পানীৰ শ্বেয়াৰ নিৰন্তৰভাৱে বিকশিত হৈ আহিছে।

ইকেআই এনাৰ্জি কোম্পানীৰ শ্বেয়াৰ প্ৰতিদিনে প্ৰায় ৫ শতাংশ হাৰত বৃদ্ধি হৈ আছে। ইকেআই এনাৰ্জি কোম্পানীৰ শ্বেয়াৰবোৰে মাজভাগত কিছু হ্ৰাস দেখুৱাইছে কিন্তু কোম্পানীটোৰ শ্বেয়াৰবোৰ পুনৰ দ্ৰুত গতিত আগবাঢ়িছে।

ই কে আই এনাৰ্জি কোম্পানী হৈছে ভাৰতৰ কাৰ্বন ক্ৰেডিট (Carbon Credit) উদ্যোগৰ এক মুখ্য কোম্পানী। কোম্পানীটোৱে জলবায়ু পৰিৱৰ্তন পৰামৰ্শ (Climate Change Advisory), কাৰ্বন ক্ৰেডিট ট্ৰেডিং (Carbon Credits Trading), ব্যৱসায় উৎকৰ্ষ পৰামৰ্শ (Business Excellence Advisory), বৈদ্যুতিক সুৰক্ষা অডিট (Electrical Safety Audits) আদি সেৱা প্ৰদান কৰে। কিন্তু ই কে আই এনাৰ্জি কোম্পানীৰ মুখ্য ব্যৱসায় হৈছে কাৰ্বন ক্ৰেডিট ট্ৰেডিং।

কাৰ্বন ক্ৰেডিট হৈছে একপ্ৰকাৰৰ প্ৰমাণপত্ৰ, যাৰ জৰিয়তে বায়ুৰ পৰা ১ টন কাৰ্বন ডাই অক্সাইড সংগ্ৰহ কৰাটো নিশ্চিত কৰা হয়। এই প্ৰক্ৰিয়াটো গছ ৰোপণ কৰি আৰু বিভিন্ন পদ্ধতি প্ৰয়োগ কৰি কৰা হয়। ইয়াৰ পিছত কাৰ্বন বজাৰত সেই কাৰ্বন ডাই অক্সাইড সংগ্ৰহৰ ব্যৱসায় কৰা হয়। এই ব্যৱসায়টোক কাৰ্বন ক্ৰেডিট ট্ৰেডিং বুলি কোৱা হয়। ই কে আই এনাৰ্জি কোম্পানীৰ শ্বেয়াৰবোৰ মাল্টিবেগাৰ ষ্টকত পৰিণত হৈ পৰিছে। বিনিয়োগকাৰীসকলে এই শ্বেয়াৰত ভাল লাভ কৰিছে, কিয়নো যোৱা ৯ মাহত কোম্পানীৰ শ্বেয়াৰে ভাল ৰিটাৰ্ন দিছে।