Amazon India | CAIT Nationwide Protest: অনলাইনত গাঞ্জা, বোমাত ব্যৱহৃত পদাৰ্থ বিক্রী কৰিছে আমাজনে! দেশৰ ৫০০ জিলাত আমাজনৰ বিৰুদ্ধে প্ৰতিবাদ

ই-কমাৰ্চ কোম্পানী আমাজন (Amazon India)ৰ বিৰুদ্ধে অনলাইন গাঞ্জা বিক্ৰীৰ অভিযোগ উত্থাপনৰ চিএআইটি CAIT Nationwide Protest)য়ে দেশব্যাপী প্ৰতিবাদ অব্যাহত ৰাখিছে। যোৱা শনিবাৰে মধ্য প্ৰদেশৰ বিন্দ চহৰত গাঞ্জা বিতৰণৰ বাবে আমাজন ইণ্ডিয়াৰ কাৰ্যবাহী সঞ্চালকৰ বিৰুদ্ধে এজাহাৰো দাখিল কৰা হৈছিল। এইবাৰ কনফেডাৰেচন অফ অল ইণ্ডিয়া ট্ৰেডাৰ্ছৰ (CAIT) ব্যৱসায়ীসকলে আমাজনৰ বিৰুদ্ধে প্ৰতিবাদ কৰিবলৈ ৰাজপথলৈ ওলাই আহিছে (আমাজন ইণ্ডিয়া | (CAIT) (Amazon India CAIT Nationwide Protest)।

সমগ্ৰ দেশতে বুধবাৰ, ২৪ নৱেম্বৰৰ পৰা ই-কমাৰ্চ (Amazon India) কোম্পানী আমাজনৰ বিৰুদ্ধে প্ৰতিবাদ আৰম্ভ হৈছে (Amazon India | CAIT Nationwide Protest)। আমাজনৰ বিৰুদ্ধে বোমা তৈয়াৰ কৰা ৰাসায়নিক পদাৰ্থ আৰু গাঞ্জা অনলাইনত বিক্ৰী কৰাৰ অভিযোগ উত্থাপিত হৈছে। পুলৱামা আক্ৰমণত ব্যৱহৃত ৰাসায়নিক পদাৰ্থ আমাজনৰ জৰিয়তে কিনা হৈছিল বুলি অভিযোগ কৰা হৈছে।

কনফেডাৰেচন অফ অল ইণ্ডিয়া ট্ৰেডাৰ্ছৰ ব্যৱসায়ীসকলে দেশৰ প্ৰায় ৫০০ খন জিলাত আমাজনৰ বিৰুদ্ধে প্ৰতিবাদ সাব্যস্ত কৰা দেখা গৈছে।

কনফেডাৰেচন অৱ অল ইণ্ডিয়া ট্ৰেডাৰ্ছৰ ব্যৱসায়ীসকলে টুইটাৰযোগে প্ৰতিবাদৰ বিভিন্ন ফটো শ্বেয়াৰ কৰিছিল। তেওঁলোকে এই প্ৰতিবাদ তিনিটা বিশেষ কাৰণত কৰিছে।

কনফেডাৰেচন অৱ অল ইণ্ডিয়া ট্ৰেডাৰ্ছৰ ব্যৱসায়ীসকলে দাবী কৰে যে আমাজনে অনলাইনত গাঞ্জা বিক্ৰী কৰাৰ লগতে বোমা বিস্ফোৰণত ব্য়বহৃত ৰাসায়নিক পদাৰ্থও বিক্ৰী কৰিছিল । আনহাতে জিএছটি পৰিষদৰ নিয়মৰ বিৰুদ্ধে গৈ মূল্য বৃদ্ধি কৰি কাপোৰ আৰু জোতা বিক্ৰী কৰিছিল।

শনিবাৰে মধ্য প্ৰদেশত দাখিল কৰা এখন এজাহাৰত ই-কমাৰ্চ ছাইটটোৰ পৰা কমেও ১,০০০ কিলোগ্ৰাম নিচাযুক্ত সামগ্ৰী বিক্ৰী কৰা বুলি দাবী কৰা হৈছে।

যাৰ বজাৰ মূল্য ১১ নিযুত টকা বুলি অনুমান কৰা হৈছে। দেশৰ বিভিন্ন প্ৰান্তত মাদক দ্ৰব্য বিক্ৰী কৰিবলৈ এই ৱেবছাইট ব্যৱহাৰ কৰা হয় বুলি ধাৰণা কৰা হৈছে। বিশেষকৈ নৰসিংহৰ পাত বিক্ৰী কৰাৰ নামত গাঞ্জা বিক্ৰী কৰি অহা হৈছে বুলি অভিযোগ কৰা হৈছে।