এখন বিয়াক লৈ এতিয়া ছচিয়েল মিডিয়াত ব্যাপক চৰ্চা। দৰা পক্ষৰ বিৰুদ্ধে কইনা পক্ষৰ বিস্ফোৰক অভিযোগৰ পিছত এইবাৰ ভাইৰেল হৈছে কইনাৰ WhatsApp স্ক্ৰীণশ্বট। দৰালৈ কইনাই দিয়া WhatsApp মেছেজৰ স্ক্ৰীণশ্বট ৰাজহুৱা কৰিলে দৰা দিব্যজ্যোতি তালুকদাৰে। এই WhatsApp মেছেজবোৰত বিভিন্ন ইতিকিংসূচক মন্তব্য কৰা কৰা দেখা গৈছে। দৰা পক্ষই জোৰোণত দিয়া সামগ্ৰীক লৈ কটু মন্তব্য কৰা হৈছে। কাপোৰ–প্ৰসাধন সামগ্ৰী আদিকে ধৰি সকলো বস্তুক লৈ আপত্তি কৰা হৈছে। ইতিমধ্যে বিবাহৰ দিনা হাউলীৰ কইনাৰ ঘৰত দৰা উপস্থিত নোহোৱাৰ ঘটনা সন্দৰ্ভত মুখ খুলিছে দৰাই। থানাত এই সন্দৰ্ভত কইনা পক্ষৰ পৰা এজাহাৰ দাখিল কৰাৰ পিছত দৰা হেঙেৰাবাৰীৰ লিচুবাগানৰ দিব্যজ্যোতি তালুকদাৰে উল্লেখ কৰে বিবাহ কৰাবলৈ নোযোৱাৰ কথা। দিব্যজ্যোতি তালুকদাৰে কইনা ঘৰৰ পৰিয়ালে তোলা অভিযোগ সম্পূৰ্ণ মিছা বুলি প্ৰকাশ কৰি তেওঁৰ সপক্ষে তথ্যপ্ৰমাণ দাঙি ধৰে। দৰাই জনোৱা মতে, জোৰোণৰ নিশা কইনাগৰাকীয়ে দৰাজনক মেছেজ কৰি বহুত ইতিকিং কৰিছিল। দৰা ঘৰে কম মূল্যৰ সামগ্ৰী দিয়া বুলি বহু বেয়াকৈ হোৱাটছ এপত মেছেজ দিছিল কইনাগৰাকীয়ে। আনকি দৰাৰ জীৱিকাবৃত্তিক লৈও বহুত বেয়াকৈ কৈছিল কইনাই। এই কথাত অপমানিত হৈ দৰা তালুকদাৰে বিবাহ নকৰাৰ সিদ্ধান্ত লয়।
