অসমত উপস্থিত হ'ল কেন্দ্ৰীয় মন্ত্ৰী তথা প্ৰাক্তন মুখ্যমন্ত্ৰী সৰ্বানন্দ সোণোৱাল। অসমত উপস্থিত হোৱাৰ পিছতে মুখ্যমন্ত্ৰী হিমন্ত বিশ্ব শৰ্মাৰ লগতে ৰাজ্যিক বিজেপিৰ নেতৃত্বই উষ্ণ আদৰণি জনাই সৰ্বানন্দ সোণোৱালক। কিছু সময়ৰ পিছতে সৰ্বানন্দ সোণোৱালে এখন কাৰ্যকৰ্তা সন্মিলনত অংশ গ্ৰহণ কৰিব। আৰু তাৰ পিছতে আৰম্ভ হ'ব কেন্দ্ৰীয় মন্ত্ৰীগৰাকীৰ আশীৰ্বাদ যাত্ৰা। তিনিদিনীয়াকৈ চলিবলগীয়া এই আশীৰ্বাদ যাত্ৰা অন্ত পৰিব ডিব্ৰুগড়ত। সামৰি ল'ব মৰিয়ণি আৰু থাওৰা বিধানসভা সমষ্টিও। আজি এখন সংবাদমেলো সম্বোধন কৰিব কেন্দ্ৰীয় মন্ত্ৰীগৰাকীয়ে। ইফালে কোৰোণাৰ এনে সংক্ৰমণৰ সময়ত ৰাজ্যিক বিজেপিয়ে আৰম্ভ কৰা এই আশীৰ্বাদ যাত্ৰাকলৈ প্ৰতিক্ৰিয়াৰো সৃষ্টি হৈছে।
