প্ৰেমিকৰ সৈতে ON CALL থাকোতেই আত্মহনন হাজোৰ কিশোৰীৰ!

হাজোত ON CALL SUICIDE! প্ৰেমিকৰ সৈতে ফোনত বাৰ্তালাপ কৰি থকাৰ সময়তে ডিঙিত চিপ লৈ আত্মহত্যা এগৰাকী প্ৰেমিকাৰ। হাজোৰ চৰাবৰীত সংঘটিত হৈছে এই ঘটনা।

হাজো আৰক্ষী থানাৰ অন্তৰ্গত চৰাবৰীৰ বিলপাৰত ৰহস্যজনক অৱস্থাত উদ্ধাৰ হৈছে নৱম শ্ৰেণীত অধ্যয়নৰত এগৰাকী কিশোৰীৰ মৃতদেহ। দীৰ্ঘদিন ধৰি হাজোৰ নতুন চৰাবৰী গাঁওৰ নতুব আলীৰ পুত্র তালেব আলীৰ সৈতে চুবুৰীয়া চৰাবৰী বিলপাৰ গাঁওৰ মেছেৰ আলীৰ জীয়ৰীৰে আছিল প্ৰেমৰ সম্পৰ্ক।

কিন্তু কিছু দিনৰ পৰা দুই প্ৰেমিক প্ৰমিকাৰ মাজত চলি আছিল সংঘাত। এই সংঘাতৰ পৰিণতিতেই প্ৰেমিক তালেব আলীৰ সৈতে মোবাইল ফোনত বাৰ্তালাপ কৰি থকাৰ সময়তে কিশোৰী ছাত্রী গৰাকীয়ে ঘৰৰ ভিতৰত চিপ লৈ আত্মহতা কৰাৰ ঘটনাই এতিয়া ৰহস্যৰ সৃষ্টি কৰিছে।

ৰহস্যজনকভাবে কিশোৰী গৰাকীৰ আত্মহত্যাৰ খবৰ বিয়পি পৰাৰ পিছতেই পলাতক অভিযুক্ত তালেব আলী নামৰ প্ৰেমিকজন।

ইতিমধ্যে ঘটনা সন্দৰ্ভত মৃত কিশোৰীগৰাকীৰ পিতৃয়ে হাজো আৰক্ষী থানাত দাখিল কৰিছে এজাহাৰ। অভিযুক্ত তালেব আলী গ্ৰেপ্তাৰ হোৱাৰ পাছতহে পোহৰলৈ আহিব সমগ্ৰ ঘটনাৰ ওৰ।