একতা কাপুৰৰ বাসগৃহলৈ শিলগুটি নিক্ষেপ ক্ষুব্ধ লোকৰ, কি কৰিলে একতাই?

বুধবাৰে পুৱাৰে পৰা তোলপাৰ মুম্বাই। এফালে কংগনাৰ কাৰ্যালয়ত চলিল বিএমচিৰ জেচিবি, আনহাতে একতা কাপুৰৰ বাসগৃহৰ সন্মুখত জনতাৰ বিক্ষোভ।

একতাৰ বাসগৃহৰ সন্মুখত বিক্ষোভ প্ৰদৰ্শন কৰে এদল জনতাই। বিক্ষোভেই নহয়, একতাৰ বাসগৃহলৈ নিক্ষেপ কৰিলে শিলগুটি।

হঠাৎ কি জগৰ লগালে একতাই? সম্প্ৰতি একতা কাপুৰে এখন ৱেব ছিৰিজ ‘ভাৰ্জিন ভাস্কৰ ২’ প্ৰযোজনা কৰিছে। য’ত এটা দৃশ্যক লৈ সৃষ্টি হৈছে বিতৰ্ক। দৃশ্যটোত দেখুওৱা হৈছিল এখন হোষ্টেলত ‘যৌনতা’। আৰু হোষ্টেলখনৰ নাম ‘অহল্যাবাই’। এই নামকৰণৰ প্ৰতিবাদত একতা কাপুৰৰ বাসগৃহৰ সন্মুখত প্ৰতিবাদ।

সমগ্ৰ ঘটনাৰ বাবে ক্ষমা বিচাৰিছে একতাই। বেৱ ছিৰিজৰ পৰা উক্ত দৃশ্য বাদ দিয়া হ’ব বুলিও কৈছে। এডিট কৰি নাম পৰিৱৰ্তন কৰিব বুলিও কথা দিছে একতাই।