জনপ্ৰিয় সুৰকাৰ, গীতিকাৰ, সংগীত পৰিচালক মানস ৰবীনৰ এক নতুন প্ৰচেষ্টা। অসমবাসী ৰাইজক বহু জনপ্ৰিয় গীত উপহাৰ দিয়া সংগীত শিল্পী মানস ৰবীন এতিয়া ব্যস্ত খেতিত। এতিয়া ১৫০ বিঘা মাটিত ঠন ধৰি উঠিছে মানস ৰবীনৰ সেউজীয়া সপোনবোৰ। কা আন্দোলন তথা ক’ভিডসৃষ্ট পৰিৱেশে সংগীত জগতখনক বেয়াকৈ ক্ষতিগ্ৰস্ত কৰিলে। কিন্তু সেইখিনি সময়তেই সময়ৰ সৎ ব্যৱহাৰ কৰি শিৱসাগৰত ১৫০ বিঘা মাটিত মৰাপাটৰ খেতিত ব্যস্ত হৈ পৰিল মানস ৰবীন। ইয়াৰ সমান্তৰালকৈ মানস ৰবীন ব্যস্ত এটা নতুন প্ৰজেক্টত। ‘সোণপোনা’ নামৰ এখন চলচ্চিত্ৰৰ চিত্ৰনাট্য লিখাতো ব্যস্ত হৈ মানস ৰবীন। অক্টোবৰ মাহৰ পৰা আৰম্ভ হ’ব ছবিখনৰ চিত্ৰগ্ৰহণৰ কাম। ছবিখনে জানুৱাৰীত মুক্তি লাভ কৰাৰ সম্ভৱনা আছে।
