Pijush Hazarika Birthday : আজি মন্ত্ৰী পীযূষ হাজৰিকাৰ জন্মদিন, শুভেচ্ছা জনাই আইমীয়ে লিখিলে – ‘মই সদায় তোমাৰ কাষত...’

আজি মন্ত্ৰী পীযূষ হাজৰিকাৰ ওপজা দিন। ওপজা দিনটোত বিভিন্নজনে মন্ত্ৰীগৰাকীক জনাইছে ওপজা দিনৰ শুভকামনা।

পত্নী আইমী বৰুৱাই স্বামী পীযূষ হাজৰিকাৰ ওপজা দিনত ছচিয়েল মিডিয়াত লিখিছে এক সুন্দৰ পোষ্ট।

স্বামীক ওপজা দিনৰ ওলগ জনাই আইমী বৰুৱাই লিখিছে – "চৌপাশে চিৰদিন পোহৰ আৰু ফুলবোৰ ফুলি থাকক..।" মানুহৰ বাবে যি উদ্যম, সাহসেৰে তুমি কাম কৰা তাক লৈ মই গৌৰৱান্বিত। সকলোৰে ভালৰ বাবে যি শুভ ইচ্ছাৰে তুমি সদায় আগবাঢ়া তাৰ প্ৰতি মোৰ বুকুত আছে এখিনি আছুতীয়া শ্ৰদ্ধা। ভালে থাকা, স্নেহ আৰু আদৰেৰে মই সদায় তোমাৰ কাষত...। জন্মদিনৰ অলেখ শুভেচ্ছা যাচিলো।

মুখ্যমন্ত্ৰী হিমন্ত বিশ্ব শৰ্মায়ো তেওঁৰ কেবিনেটৰ দক্ষ মন্ত্ৰীগৰাকীক ওপজা দিনৰ ওলগ জনাইছে। টুইটাৰযোগে মুখ্যমন্ত্ৰীগৰাকীয়ে পীযূষ হাজৰিকাক জনালে জন্মদিনৰ শুভেচ্ছা।

বিভিন্ন শুভাকাংক্ষীৰ লগতে সতীৰ্থ মন্ত্ৰী–বিধায়কেও মন্ত্ৰী পীযূষ হাজৰিকালৈ জনাইছে ওপজা দিনৰ শুভকামনা