Magh Bihu: উৰুকাৰ দিনটোত আটাইতকৈ বৃহৎ ওজনৰ মাছটো ক’ত আৰু কিমান দামত পোৱা গ’ল, জানক কোন ঠাইত কি কি মাছ কিমান কিমান মূল্যত উপলব্ধ হৈছে

গোৱালপাৰাৰ বজাৰত ২২ কিলো ওজনৰ বৰালি মাছ। ইয়াৰ মূল্য ৩৩হাজাৰ টকা।

বাক্সাৰ বৰমা বজাৰত ৬২ কিলো ওজনৰ টুনা মাছ উৰুকাৰ দিনটোৰ আটাইতকৈ বেছি ওজনৰ মাছ। এই সাগৰীয় মাছটো অন্ধপ্ৰদেশৰ পৰা উৰুকাৰ বাবে অনা হৈছে। টুনা মাছটো প্ৰতি কিলোত ১৫০০ টকাকৈ মূল্য ধাৰ্য্য কৰিছে ব্যৱসায়ী গৰাকীয়ে।

তেজপুৰৰ পৰুৱা মাছ বজাৰত জীয়াভৰলীৰ ২৮ কেজি ওজনৰ এটা বাহু মাছ। এই মাছটো প্ৰতি কিলোত ৬০০ টকাকৈ বিক্ৰী হৈছে। লগতে ১৫ কিলো ওজনৰ বৰালি, ৯-১০ কিলো ওজনৰ আৰি মাছো পৰোৱাৰ মাছ বজাৰত উপলব্ধ হৈছে।

কোকৰাঝাৰৰ বজাৰত ২২ কিলো ওজনৰ ভকুৱা মাছ। বিক্ৰেতাই প্ৰতি কিলোগ্ৰামত ২০০০ টকাত বিক্ৰী কৰিছে যোগীঘোপাৰ পৰা অনা এই মাছটো।

নলবাৰীৰ বজাৰত ১৫ কিলোগ্ৰাম ওজনৰ বৰালি মাছ। ২৭হাজাৰ টকীয়া এই বৰালি মাছে গ্ৰাহকৰ দৃষ্টি আকৰ্ষণ কৰিছে। ইয়াৰোপৰি, আৰি ১৫০০ চিতল ১৫০০, ভকুৱা ৭০০ ,শিলঘৰীয়া ১০০০ টকা দৰত বিক্ৰী হৈছে।

ঢেকিয়াজুলিৰ মাছৰ বজাৰত সৰ্বোচ্চ ৩০কেজি ওজনৰ ভকুৱা মাছ দেখিবলৈ পোৱা গ’ল। লগতে, ২৫কেজি ওজনৰ ব্ৰিকেট, ২২কেজি ওজনৰ বাহু মাছো বিক্ৰী হৈছে ঢেকিয়াজুলিৰ মাছ বজাৰত। ভকুৱা প্ৰতি কিলোত ১২০০ টকা, বাহু ১০০০ টকা, ব্ৰিকেট ৫০০ টকা, চিতল কেজি ৭০০ টকাত বিক্ৰী কৰা হৈছে।

মিছামাৰীত ২৬ কিলো ওজনৰ ব্ৰিকেট মাছ