দাঁতৰ বিষত যন্ত্ৰণা এনেই অতি ভয়ংকৰ তাতে শীতকালত এই সমস্যাই বাৰুকৈ শিক্ষা দিয়া দেখা যায়! প্ৰথমেই চিকিৎসকৰ শৰণাপন্ন হৈ কাঢ়া এণ্টিবায়’টিক নাখাব, ঘৰুৱা উপায়েৰে বিষৰ সন্মুখীন হওক। Photo Source: Collected এটা পাত্ৰত নাৰিকল তেলৰ সৈতে কিছু লং গুড়ি কৰি মিহলাই লওক। ভালকৈ মিলাই ব্ৰাছৰ সহায়ত এই মিশ্ৰণ আক্ৰান্ত স্থানত লগাওক। দিনে তিনিবাৰকৈ এনেকৈ লগালে যথেষ্ট আৰাম পাব। লঙে দাঁতৰ বিষ সহজে কমায়। নাৰিকল তেলৰ এন্টিমাইক্র’বিয়েল বৈশিষ্ট্যই দাঁতৰ গুৰিৰ বিভিন্ন সমস্যা তথা সংক্ৰমণ ৰোধত সহায় কৰে। এটুকুৰা আদা কাটি যি দাঁতত বিষ হৈছে সেই ঠাইত সামান্য হেঁচি চোবাই থাকক। কিছু সময়ৰ ভিতৰতে আৰাম পাব। এক কোঁহ নহৰু থেতালি যিটো দাঁতৰ বিষ হৈছে সেই দাঁতৰ ওপৰত লগাওক। নহৰুৰ সৈতে অলপ নিমখো মিহলাই লগাব পাৰে। কপাহ পানীত তিয়াই বেকিং ছ’ডা লগাই বিষ হোৱা দাঁতত চেপি ধৰক। অথবা এক চাহ চামুচ বেকিং ছ’ডা এক গিলাচ কুহুমীয়া পানীত ভিজাই কুলকুলি কৰক।
