ডিচেম্বৰ, শীত, বনভোজৰ আনন্দ ! উদ্বোধন হ'ল মহানগৰীৰ গাতে লাগি থকা দীপৰ বিলৰ পাৰৰ বনভোজথলী ...

এতিয়া বনভোজৰ (Picnic) বতৰ । শীতকাল নামি পৰাৰ লগে লগেই আৰম্ভ হৈছে বনভোজৰ। বিভিন্ন বনভোজথলীলৈ আগমন ঘটিছে বনভোজকাৰীৰ। দীপৰ বিলৰ পাৰত বনভোজথলী উদ্বোধন । ক'ভিডৰ পিছত পুনৰ উদ্ধোধন বনভোজথলী । বনভোজথলীত এইবাৰ ব্যৱস্থা কৰা হৈছে পানী, প্ৰস্ৰাৱগাৰৰ ।

ক'ভিডৰ পিছত বনভোজলৈ মন মেলিছে বনভোজকাৰীসকলে । ৰাজ্যৰ আন বনভোজথলীৰ দৰে গুৱাহাটীৰ গাতে লগা দীপৰ বিললৈও বনভোজ খাবলৈ অহা লোকক আদৰিবলৈ সাজু হৈছে বিলৰ কাষৰীয়া অগ্ৰণী সামাজিক সাংস্কৃতিক আৰু ক্ৰীড়া সংগঠন দেউচতাল নৱজ্যোতি সংঘ ।

এই উপলক্ষে আজি দীপৰ বিলৰ দাঁতিৰ ঐতিহাসিক শ্ৰী শ্ৰী ভাঙাৰা গোঁসাই থানৰ লগত থকা বনভোজথলীটো উদ্বোধন কৰা হয় । প্ৰতি বছৰৰ দৰে এইবেলিও শীতকাল আৰম্ভ হোৱাৰ লগে লগে ৰাজ্যৰ আন বনভোজথলীৰ দৰে গুৱাহাটীৰ গাতে লগা দীপৰ বিললৈও বনভোজ খাবলৈ অহা দলৰ সমাগম হ'ব বুলি আশা কৰা গৈছে।

এই বনভোজথলী উদ্ধোধন কৰাৰ আগত দেউচতাল নৱজ্যোতি সংঘই বনভোজথলী চাফ-চিকুন কৰে । এই বনভোজথলী উদ্ধোধন কৰে আজাৰা গাঁও পঞ্চায়তৰ সভানেত্ৰী কবিতা বড়ো ৰংপীয়ে । লগতে এই বনভোজথলীত আজাৰা গাও পঞ্চায়তৰ তৰফৰ পৰা মাক্স,চেনিটাইজাৰ আদিৰ ব্যৱস্থা কৰিব বুলি জনোৱা হৈছে ।

ঐতিহাসিক ভাঙাৰা গোঁহাই থানৰ সমীপত দীপৰ বিলৰ পাৰত উদ্ধোধন কৰা এই বনভোজথলীত চৰাই-চিৰিকতি,মাছ-কাছক ব্যাঘ্যাত নজন্মোৱাৰ বাবে উচ্চস্তৰৰ চাউণ্ড নিষিদ্ধ কৰা হৈছে । আনহাতে বনভোজথলীত সংঘৰ ফালৰ পৰা সকলো দলকে বিশুদ্ধ খোৱাপানী , বাহন ৰখাৰ বাবে পাৰ্কিং ব্যৱস্থা , প্ৰস্ৰাৱগাৰ আদিৰ সা-সুবিধা ব্যৱস্থা কৰা হৈছে । সমান্তৰালভাৱে চাফ চিকুণৰ ব্যৱস্থা কৰা হৈছে । গুৱাহাটীৰ গাতে লাগি থকা এই মনোৰম দীপৰ বিললৈ আহক আপুনিও আৰু লৈ যাওক বনভোজৰ আনন্দ ।