Deeplina Deka : গুৱাহাটীৰ ISKCON মন্দিৰৰ অনুষ্ঠানত অংশগ্ৰহণ জনপ্ৰিয় কণ্ঠশিল্পী দীপলিনা ডেকাৰ

বৰ্তমান সময়ৰ অসমৰ অন্যতম জনপ্ৰিয় কণ্ঠশিল্পী দীপলিনা ডেকা। সাংস্কৃতিক ক্ষেত্ৰখনৰ লগতে সামাজিক মাধ্যমতো অতি জনপ্ৰিয় তথা সক্ৰিয় শিল্পীগৰাকী।

শেহতীয়াকৈ, 'হাতত হাত ধৰা' ফটো এখনৰ জৰিয়তে সামাজিক মাধ্যমত চৰ্চাত আছিল দীপলিনা ডেকা। অৱশেষত, সকলোৰে উৎকণ্ঠাৰ অৱসান ঘটাই হাতখনৰ নেপথ্যত থকা ব্যক্তিজনৰ পৰিচয় ৰাজহুৱাকৈ প্ৰকাশ কৰিছিল দীপলিনা ডেকাই।

গৌৰ পূৰ্ণিমা উপলক্ষে গুৱাহাটীৰ ইস্কন মন্দিৰে আয়োজন কৰা আৰতি আৰু পথযাত্ৰাত অংশগ্ৰহণ কৰে দীপলিনা ডেকাই।

কণ্ঠশিল্পী দীপলিনা ডেকাই সামাজিক মাধ্যমত ইস্কন মন্দিৰৰ অনুষ্ঠানত অংশগ্ৰহণ কৰা ফটোসমূহ শ্বেয়াৰ কৰি কেপচনত লিখিছে, "গৌৰ পূৰ্ণিমা উৎসৱ উপলক্ষে ইস্কন গুৱাহাটী ভক্তৰ দ্বাৰা আয়োজিত #আৰতি আৰু #পথযাত্ৰাৰ অংশ হোৱাৰ সৌভাগ্য।<br />মোৰ বিশ্বাস আধ্যাত্মিকতাই হৈছে শান্তি আৰু সন্তুষ্টিৰ চূড়ান্ত পথ। হৰে কৃষ্ণ 🙏"

সামাজিক মাধ্যমত দীপলিনা ডেকাই শ্বেয়াৰ কৰা ফটোসমূহত বহুজনে প্ৰশংসাৰে উপচাই পেলাইছে কণ্ঠশিল্পীগৰাকীক। তাৰমাজতে খেনোৱে যদি কৈছে "আপোনাক বহুদিনৰ পৰা লগ পোৱাৰ আশা এটা পুহি ৰাখিছো", খেনোৱে আকৌ কমেন্টত শ্বেয়াৰ কৰিলে সেই অনুষ্ঠানতে দীপলিনা ডেকাৰ সৈতে উঠা একপি ছেলফি।