বৰ্ষাপাৰাত মুখ্যমন্ত্ৰী হিমন্ত বিশ্ব শৰ্মা ! পত্নীসহ প্ৰত্যক্ষ কৰিলে ভাৰত-শ্ৰীলংকাৰ প্ৰথমখন এদিনীয়া খেল ...

বৰ্ষাপাৰাত ভাৰত-শ্ৰীলংকাৰ প্ৰথমখন এদিনীয়া উপভোগ কৰিলে মুখ্যমন্ত্ৰী হিমন্ত বিশ্ব শৰ্মাই। তেওঁৰ লগতে খেল প্ৰত্যক্ষ কৰে তেওঁৰ পত্নী ৰিনিকি ভূঞা শৰ্মাই।

বৰ্ষাপাৰাত মুখ্যমন্ত্ৰীগৰাকীয়ে তাত উপস্থিত থকা দৰ্শকৰ সৈতে ছেলফিও উঠে।

খেলৰ মাজতে তাত উপস্থিত থকা দৰ্শকসকলৰ কাষত থিয় হৈ মুখ্যমন্ত্ৰীগৰাকীয়ে হাত মিলোৱাও দেখা যায়।

স্বাভাৱিকতে খেল উপভোগ কৰা সময়তে প্ৰিয় মুখ্যমন্ত্ৰীগৰাকীক কাষতে পায় ক্ৰীড়াপ্ৰেমীসকলো সুখী হয়।

মুখ্যমন্ত্ৰীগৰাকীয়ে গুৱাহাটীত ভাৰত বনাম শ্ৰীলংকা এদিনীয়া খেলখনৰ মসয়ত ৰাজ্যপাল প্ৰফেছাৰ জগদীশ মুখী, ফাৰ্ষ্ট লেডী শ্ৰীমতী প্ৰেম মুখী আৰু তেওঁৰ পত্নী শ্ৰীমতী ৰিনিকি ভূঞা শৰ্মাৰ সৈতে এক সুন্দৰ সময় অতিবাহিত কৰা বুলি উল্লেখ কৰে। দুয়োটা দলৰ খেলুৱৈসকলক আতিথ্য দি গৌৰৱান্বিত অনুভৱ কৰা বুলি কোৱাৰ লগতে তেওঁ আৰু কয় যে ই নিশ্চিতভাৱে ৰাজ্যৰ উদীয়মান ক্ৰীড়া প্ৰতিভাক অনুপ্ৰাণিত কৰিব।