ৰাজহুৱা মঞ্চত অভিনেত্ৰীক অশালীন মন্তব্য কৰি বিপদত জুবিন গাৰ্গ, আৰক্ষীয়ে আৰম্ভ কৰিছে তদন্ত

এটা ব্যক্তিগত টিভি চেনেলৰ এক এৱাৰ্ড শ্ব’ত অভিনেত্ৰী নিশিতা গোস্বামীক লৈ অশালীন মন্তব্য কৰাৰ অভিযোগ জুবিনৰ বিৰুদ্ধে। ইতিমধ্যে জুবিনৰ এই মন্তব্যৰ ভিডিঅ’ ছচিয়েল মিডিয়াত ভাইৰেল হৈ পৰিছে। জুবিনৰ বিৰুদ্ধে মহিলা আয়োগে দাখিল কৰিছে এজাহাৰ।

আছাম ট্ৰিবিউনত প্ৰকাশিত বাতৰি অনুসৰি, মহিলা আয়োগে ইতিমধ্যে আৰক্ষী সঞ্চালক প্ৰধানলৈ এক পত্ৰযোগে জুবিনৰ বিৰুদ্ধে উচিত ব্যৱস্থা গ্ৰহণৰ আহ্বান জনাইছিল। উল্লেখ্য যে, এটা ব্যক্তিগত টিভি চেনেলৰ এক এৱাৰ্ড শ্ব’ত মঞ্চত অভিনেত্ৰী নিশিতা গোস্বামীক লৈ শ্ৰুতিকটু মন্তব্য কৰা দেখা গৈছিল জুবিনক। এখন অসমীয়া ছবিত অভিনয়ৰ উদ্ধৃতি দি জুবিনে নিশিতাক লৈ কৈছিল যে,, ‘গোটেই চিনেমাখনত মই তাইৰ,  '–––টোৱে দেখা পালো। তাই খোজ কাঢ়ি গৈ থাকে, মই চাই থাকো...।’'

ঘটনাৰ সন্দৰ্ভত Women Unitৰ ACP ৰজী তালুকদাৰে কৈছে ষে, 'বৰ্তমান তদন্ত প্ৰক্ৰিয়া আৰম্ভ কৰা হৈছে। এটা নিৰ্দিষ্ট সময়সীমাৰ ভিতৰত তদন্ত প্ৰক্ৰিয়া শেষ কৰা হ'ব।'

ইয়াৰ পূৰ্বেও বিভিন্ন সময়ত আপত্তিজনক মন্তব্য কৰি জুবিন গাৰ্গ বিতৰ্কৰ মাজত সোমাই পৰিছিল। 

কিন্তু এই মুহূৰ্তলৈকে জুবিন গাৰ্গে ঘটনা সন্দৰ্ভত কোনো ধৰণৰ মন্তব্য প্ৰকাশ কৰা নাই।