SunGlass পিন্ধিলে কেনেকুৱা লাগে পাহৰিয়েই গৈছিলোঁ, কিয় এনেকৈ ক'লে ৰবি শৰ্মাই, চাওক ফটো

অসমীয়া ছবিজগতৰ অন্যতম তাৰকা ৰবি শৰ্মা। কোৰোণাৰ সংক্ৰমণৰ বাবে হোৱা লকডাউন আৰু সান্ধ্য আদিৰ বাবে প্ৰায় ডেৰ বছৰ বাহিৰলৈ ভালকৈ ওলোৱা নাই অভিনেতা ৰবি শৰ্মা (Ravi Sarma)ই। ঘৰৰ পৰা বাহিৰলৈ নোলোৱা বাবে ছানগ্লাছ পিন্ধাটোও হৈ নুঠে। সেয়ে আজি এই আপডেট দি অভিনেতাজনে লিখিলে, "ঘৰৰ পৰা নোলাওঁতে নোলাওঁতে sunglass পিন্ধিলে কেনেকুৱা লাগে পাহৰিয়েই গৈছিলোঁ।" (Image: FB/Ravi Sarma)

অভিনেতা ৰবি শৰ্মা এগৰাকী ভাল পঢ়ুৱৈ। ঘৰত তেওঁৰ আছে ব্যক্তিগত এটা লাইব্ৰেৰী। অসমীয়া সাহিত্যৰ পৰা দেশ-বিদেশৰ সাহিত্যলৈ বছা বছা কিতাপ আছে ৰবি শৰ্মাৰ ঘৰুৱা পুথিভড়ালত। শেহতীয়াকৈ তেওঁ পঢ়িবলৈ লৈছে যশস্বী সাহিত্যিক ৰীতা চৌধুৰী (Rita Choudhury)ৰ বিখ্যাত উপন্যাস 'মাকাম' (Makam)। (Image: FB/Ravi Sarma)

ৰবি শৰ্মাৰ শৰীৰ দেখিলেই গম পোৱা যায় স্বাস্থ্যক লৈ তেওঁ কিমান সচেতন। প্ৰতিদিনেই পুৱা অভিনেতাগৰাকীয়ে কৰে যোগাসন। খোৱা-বোৱাক লৈও খুউব সচেতন এইজন অভিনেতা। (image: FB/Ravi Sarma)

অলপতে ৰবি শৰ্মাৰ দুই সন্তানৰ জন্মদিন পাৰ হৈ গ'ল। ১ জুলাইত ৪ বছৰীয়া হ'ল ৰবি শৰ্মাৰ দুই সন্তান প্ৰীত আৰু পিয়ু। কোভিড SOPৰ বাবে ঘৰতো শৰাই আগবঢ়াই দুটা কেক আনি অনুষ্টুপীয়াকৈ পৰিয়ালৰ মাজতে আয়োজন কৰে জন্মদিনৰ। (Image: FB/Ravi Sarma)

লকডাউনে মানুহক কামৰ পৰা আঁতৰাই ৰাখি বহু সময়ত নষ্টালজিক কৰি তুলিছে। ৰবি শৰ্মাইও এনে এক মুহূৰ্তত পুৰণি দিনৰ স্মৃতি ৰোমন্থন কৰি জুবিন গাৰ্গ (Zubeen Garg)ৰ সৈতে উঠা এখন ফটো ছেয়াৰ কৰে ছচিয়েল মিডিয়াত। ফটো এখনত দুয়োজনকে ছিৰিয়াছ মুডত দেখাৰ লগতে আন দুখনত প্ৰাণখুলি হাঁহি থকাও দেখা গৈছে। (Image: FB/Ravi Sarma)

ঘৰৰ গছৰ ৰহদৈ। ঘৰুৱা খাদ্য খুবেই প্ৰিয় ৰবি শৰ্মাৰ। অভিনেতাগৰাকীৰ ঘৰতে আছে ৰহদৈৰ এজোপা প্ৰকাণ্ড গছ। এইয়া আচলতে টেঙা ফল খোৱাৰেই বতৰ। ঘৰৰ ৰহদৈৰ ফটো ছচিয়েল মিডিয়াত ছেয়াৰ কৰিছে অভিনেতাগৰাকীয়ে। (Image: FB/Ravi Sarma)