ভাৰতীয় বতৰ বিজ্ঞান বিভাগে ১৫ তাৰিখলৈকে অসমৰ বহু ঠাইত ধাৰাসাৰ বৰষুণৰ আগজাননী দিছে। ভাৰতীয় বতৰ বিজ্ঞান বিভাগৰ মতে, আজিৰ পৰা ১৫ মে'ৰ ভিতৰত অসম, মেঘালয় আৰু অৰুণাচল প্ৰদেশত ধাৰাসাৰ বৰষুণ হোৱাৰ সম্ভাৱনা আছে। প্ৰতিবেদন অনুসৰি, বংগোপসাগৰত দক্ষিণ-পশ্চিম বতাহৰ এক গুৰুত্বপূৰ্ণ প্ৰভাৱ নিম্ন ট্ৰপোস্ফিয়াৰত দেখা গৈছে। ইয়াৰ ফলত উত্তৰ-পূৰ্বাঞ্চলৰ বহুতো ৰাজ্যত ধাৰাসাৰ বৰষুণ হোৱাৰ সম্ভাৱনা আছে। বুধবাৰে, আইএমডিয়ে টুইট কৰিছিল যে ২০২২ চনৰ ১১ ৰ পৰা ১৫ মে'ত অসম-মেঘালয়ত অতি ধাৰাসাৰ বৰষুণ হোৱাৰ সম্ভাৱনা আছে।
