মহানগৰীত ডগ ফেশ্বন শ্ব'। লতাশিল খেলপথাৰত অনুষ্ঠিত হৈছে এই ফেশ্বন শ্ব'। "ফাৰি ফ্ৰেইণ্ডছ" শীৰ্ষক ফেশ্বন শ্ব'ত অংশ লৈছে দেশী-বিদেশী বিভিন্ন প্ৰজাতিৰ পোহনীয়া কুকুৰে। কুকুজ প'জ এণ্ড ক্ল'জৰ উদ্যোগত অনুষ্ঠিত হৈছে এই ফেশ্বন শ্ব'। জীৱ-জন্তুৰ প্ৰতি মৰম, সন্মান প্ৰদৰ্শন কৰা, বাটে-পথে ঘূৰি ফুৰা কুকুৰক এডপচনৰ জৰিয়তে এখন ঘৰ দিয়াৰ সজাগতা সৃষ্টিৰ উদ্দেশ্যে আয়োজন কৰা হৈছে এই ডগ শ্ব'। মহানগৰীৰ বিভিন্ন প্ৰান্তৰ পৰা নিজৰ পোহনীয়া কুকুৰ লৈ ডগ শ্ব'ত অংশগ্ৰহণ কৰিবলৈ আহিল বিভিন্নজন। নিজৰ পোহনীয়া কুকুৰটোক সজাই-পৰাই একাংশই লৈ আনিলে ডগ শ্ব'লৈ। ফেশ্বন শ্ব'ত অংশগ্ৰহণ কৰা অধিকাংশ পোহনীয়া কুকুৰে ইতিমধ্যে এনে ডগ শ্ব'ত পূৰ্বেও অংশগ্ৰহণ কৰিছে। আনহাতে কোনো কোনো গৰাকীয়ে প্ৰথমবাৰৰ বাবে নিজৰ পোহনীয়া কুকুৰটোক ফেশ্বন শ্ব'লৈ আনি আনন্দিত হৈ পৰিল। এখন মঞ্চতে দেশ-বিদেশৰ বিভিন্ন প্ৰজাতিৰ কুকুৰ একলগ হোৱা, সকলোৱে নিজৰ মনৰ ভাব আদান-প্ৰদান কৰাৰ এখন মঞ্চ লাভ কৰি উদ্যোক্তাসকলক ধন্যবাদ জনায়। আনহাতে এই দিনটোতেই ৰাস্তাই ঘাটে আঘাতপ্ৰাপ্ত জীৱ-জন্তুক তাৎক্ষণিক চিকিৎসাৰ বাবে এখন এম্বুলেঞ্চ মুকলি কৰে দুগৰাকী যুৱতীয়ে।
