পৰম্পৰা ৰক্ষা কৰি মাছ ধৰাত ব্যস্ত আঙুৰলতা ডেকা, আশা বৰদলৈ ! ক'ত, কিমান মাছ ধৰিলে ?

মনহা বিলত বিজেপিৰ মাছ ধৰা উৎসৱ ৷ লোক গীত, লোক নৃত্যৰ তালত মাছ ধৰিলে মহিলা মৰ্চাই ৷ হাতে হাতে জাকৈ, খালৈ লৈ বিলত নামিল মহিলা ৷

ভোগৰ উৎসৱ ভোগালীলৈ মাজত মাত্ৰ কেইটামান ক্ষণ ৷ উৰুকালৈ এটা দিন বাকী থকা অৱস্থাত শুকুৰবাৰে জাগীৰোডৰ মনহা বিলত পৰম্পৰা ৰক্ষা কৰি মাছ ধৰিলে ভাৰতীয় জনতা পাৰ্টিৰ মহিলা মৰ্চাই ৷

ভাৰতীয় জনতা পাৰ্টিৰ মহিলা মৰ্চাৰ প্ৰায় শতাধিক কৰ্মীয়ে বিলত গীত, নৃত্য পৰিবেশন কৰি ধৰিলে মাছ ৷ কাৰোবাৰ হাতত বৰালি, কাৰোৱাত হাতত ৰৌ ৷ মৰ্চাৰ সভানেত্ৰী আঙুৰলতা ডেকাই পালে ৰৌ ৷ দুশ গ্ৰাম ওজনৰ ৰৌ লাভ কৰি সন্তুষ্ট আঙুৰলতা ডেকা ৷

প্ৰথমবাৰৰ বাবে বিলত নামি মাছ ধৰি আনন্দিত বহু মহিলা মৰ্চাৰ সদস্য ৷ ইপিনে মাছ ধৰা উৎসৱৰ ঠিক পাছতে আৰম্ভ হ'ল মাছৰ নাম কোৱা প্ৰতিযোগিতা ৷ প্ৰতিযোগিতাত অংশ ললে মন্ত্ৰী পীযুজ হাজৰিকাৰ পত্নী আইমী বৰুৱা ৷ ১০ বিধ মাছৰ নাম কৈ পুৰস্কাৰ লাভ ১০ কিলোগ্ৰামৰ বৰালিৰ ৷ এনেদৰে ভোগালী বিহুৰ প্ৰাকক্ষণত ক্ষন্তেকৰ বাবে হ'লেও আনন্দত মচগুল হোৱা দেখা গ'ল বিজেপিৰ একাংশ নেতা-কৰ্মীক ৷