কেংগেৰুৰ পৰা দুষ্প্ৰাপ্য চৰাইলৈ, অসম ৰাজ্যিক চিৰিয়াখানাত ১২টা আগতে নেদেখা জীৱ–জন্তু

লকডাউন, মহামাৰীৰ মাজতে অসম ৰাজ্যিক চিৰিয়াখানালৈ আগমন বহিঃ মহাদেশৰ জীৱ জন্তু ৷ ৰাজ্যিক চিৰিয়াখানাত চিকিৎসাধীন অৱস্থাত আছে ৬ প্ৰজাতিৰ ১২ টি জীৱ ৷ 

অসম ৰাজ্যিক চিৰিয়াখানা অনা এই ১২ টি জীৱৰ ভিতৰত আছে কেংগেৰুৰ পোৱালী এটা, এল ডেব্ৰা কাছ ২ টা, কাপুচিম বান্দৰ ৩ টা আৰু হায়াক্নিথ মাকাও চৰাই ৬ টা ৷

পিছে, অসম ৰাজ্যিক চিৰিয়াখানালৈ অহা এই নতুন জীৱকুল ৰাজ্যৰ কোনো বন বিভাগ অথবা ৰাজ্যিক চিৰিয়াখানা কৰ্তৃপক্ষই বহি মহাদেশৰ পৰা ক্ৰয়, অথবা হস্তান্তৰ কৰি অনা নহয় ৷

বিপৰীতে ৩০ জুলাইত শিলচৰত উদ্ধাৰ কৰা হৈছে এই জীৱ জন্তু কেইটা ৷ শিলচৰৰ পৰা গুৱাহাটীৰ মাজেৰে বহিঃৰাজ্যলৈ অসাধু চক্ৰই কঢ়িওৱাৰ চলাইছিল জন্তু কেইটা ৷ ট্ৰাকত কষ্টকৰ ভাৱে কঢ়িয়াই আনিছিল জন্তু কেইটা ৷ তেনে অৱস্হাতে শিলচৰ বনবিভাগে অভিয়ান চলাই উদ্ধাৰ কৰে জীৱ জন্তু কেইটা ৷ উদ্ধাৰ কৰা ১২ টি জন্তুয়ে বহিঃ মহাদেশৰ ৷ কোনো এটি জন্তু এচিয়া মহাদেশৰ নহয় ৷

উদ্ধাৰ কৰা জন্তু কেইটা বৰ্তমান অসম ৰাজ্যিক চিৰিয়াখানাত ৰখা হৈছে ৷ চিৰিয়াখানাত চিকিৎসাধীন অৱস্থাত আছে  জীৱ জন্তু কেইটা ৷ উদ্ধাৰ কৰা সময়ত জীৱ জন্তু কেইটাৰ অৱস্হা অতি সংকট জনক অৱস্হাত আছিল ৷ অৱশ্যে বৰ্তমান আপডালত যথেষ্ট উন্নত হৈছে জীৱকেইটাৰ স্বাস্থ্য ৷

ৰাজ্যিক চিৰিয়াখানা কৰ্তৃপক্ষৰ পৰা লাভ কৰা তথ্য অনুসৰি আৰু কিছুদিন চিকিৎসাৰ প্ৰয়োজন হ’ব ৷ আৰোগ্য লাভ কৰিলে ৰাজ্যিক চিৰিয়াখানাত সুকীয়াকৈ ৰখাৰ ব্যৱস্হা কৰা হ’ব ৷ তেতিয়া বহিঃ মহাদেশৰ জীৱ জন্তু কেইটা দৰ্শনাৰ্থীয়ে প্ৰত্যক্ষ কৰিব ৷