জ্বলাই দিয়া হ'ল ২৪৭৯টা গঁড়ৰ খৰ্গ, সম্পূৰ্ণ বৈদিক প্ৰথাৰে মুখ্যমন্ত্ৰীয়ে কৰিলে মুখাগ্নি

মুখ্যমন্ত্ৰীৰ উপস্থিতিত বোকাখাতত দাহ কৰা হ'ল ২৪৭৯টা খৰ্গ। খৰ্গ দাহৰ পূৰ্বে ২১জন পুৰোহিতে সম্পন্ন কৰে মাঙ্গলিক অনুষ্ঠান।

গঁড়ৰ খৰ্গ যে মূল্যহীন। অন্ধ বিশ্বাসৰ ফলতে গঁড় হত্যা কৰি খৰ্ড কাটি নিয়া হয়। সেই কথা প্ৰমাণ কৰিবলৈকে ৰাজ্য চৰকাৰে এই সিদ্ধান্ত গ্ৰহণ কৰে। ইয়াৰ অন্যতম উদ্দেশ্য হৈছে- গঁড় হত্যা ৰোধ কৰা।

মুখ্যমন্ত্ৰী হিমন্ত বিশ্ব শৰ্মাৰ লগতে ৰাজ্য চৰকাৰৰ কেইবাজনো মন্ত্ৰী তথা প্ৰশাসনৰ মুৰব্বীৰ উপস্থিতিত গঁড়ৰ খৰ্গ সমূহ ৰাজহুৱা ভাবে জ্বলাই দিয়া হয়।

সম্পূৰ্ণ বৈদিক পৰম্পৰাৰে মুখ্যমন্ত্ৰীয়ে কৰে মুখাগ্নি।

বিশ্ব গঁড় দিৱসৰ দিনাই ৰাজ্য চৰকাৰে লোৱা এই সিদ্ধান্তই দেশ জুৰি ব্যাপক চৰ্চা লাভ কৰিছে। বহুতে চৰকাৰৰ এই পদক্ষেপক আদৰণি জনোৱাৰ বিপৰীতে, বহুতে গঁড়ৰ খৰ্গ সমূহ সংৰক্ষণ কৰাৰ আহ্বান জনাইছিল।

উল্লেখযোগ্য যে মানুহৰ চুলি আৰু নখৰ দৰেই কেৰটিন নামৰ পদাৰ্থবিধ গঁড়ৰ খৰ্গত থকাৰ পিছতো কেৱল অন্ধবিশ্বাসৰ বাবেই বছৰ বছৰ ধৰি গঁড় হত্যাৰ দৰে দৰে ঘৃণনীয় ঘটনা সংঘটিত হৈ আহিছে ৷  আনকি, জীৱিত অৱস্থাতো গঁড় হত্যা কৰি খৰ্গ কাটি চোৰাং চিকাৰী উধাও হোৱাৰ বহু ঘটনা সংঘটিত হৈছে ৷ ইয়াৰ মাজতে বিগত সময়ছোৱাত উদ্ধাৰ হোৱা গঁড়ৰ খৰ্গ দাহ কৰাৰ ব্যৱস্থা কৰি সজাগতা সৃষ্টিৰ জৰিয়তে গঁড় সুৰক্ষাৰ অন্যতম পদক্ষেপ গ্ৰহণ কৰা হৈছে ৷