বাল্য বিবাহৰ বিৰুদ্ধে ৰাজ্যজুৰি চলিছে অভিযান। আৰক্ষীৰ জালত পৰিছে ৪ হাজাৰৰো অধিক লোক। বাল্য বিবাহ কৰোৱা বা বাল্য বিবাহত জড়িত থকা বহু লোকক গ্ৰেপ্তাৰ কৰিছে আৰক্ষীয়ে। ইয়াৰ মাজতে বাল্য বিবাহক লৈ ছচিয়েল মিডিয়াত দেখা গৈছে বিভিন্ন ধৰণৰ মীম। বাল্য বিবাহ কৰোৱা বহুজন আৰক্ষীৰ জালত পৰাৰ পিছতে ছচিয়েল মিডিয়াত বিয়পি পৰিছে নানা ধৰণৰ মীম। এজনে লিখিছে – Dear ex Thank you so much, তোমাৰ বাবে আজি মাৰ হাতৰ ভাত খাই আছো। নহ’লে... বাল্য বিবাহ কৰাই এতিয়া জে’লৰ ভাত খাবলগীয়া হোৱাসকলক লৈ বিভিন্নজনে বনাইছে এই মীম। ‘কেতিয়া বিয়া হবি, বয়স হৈছে বিয়াখন পাত বূলি মূৰ নষ্ট কৰি থকা সম্পৰ্কীয় আহীবোৰৰ ওপৰতো আইন এখন উলিয়াব লাগে!’ – এটা পেজত শ্বেয়াৰ কৰা হৈছে এই মীম। এইজনে আকৌ লিখিছে – ডাঙৰ চিন্তা এটা শেষ হ’লদে কিবাকে, বিয়া পাতিব নাপাম বুলি ভাবি আছিলো। যিহে অভাৰটেক কৰি আছিল আমাক। আন এগৰাকীয়ে লিখিছে, ‘নিজৰ কম বয়সীয়া ছোৱালীক বিয়া দি আনৰ ছোৱালীক বুঢ়ী বুলি সমালোচনা কৰা খুৰী কেইজনী এতিয়া কেনাই।’ আন এজনে আকৌ লিখিছে – ‘এফালে যদি বাল্য বিবাহ কৰা বিলাকৰ দুখ, আনফালে আকৌ ২২ৰ পৰা ৩০ৰ ভিতৰত বিয়া নোহোৱা বিলাকৰ দুখ। আন এজনে আকৌ কৈছে – আমাক অভাৰটেক কৰি বিয়া পতাৰ মজা পাওক।
